പല്ലാരിമംഗലം: പല്ലാരിമംഗലം ഗ്രാമ പഞ്ചായത്ത് കുടുംബശ്രീ സി ഡി എസ് വാർഷികം സംഘടിപ്പിച്ചു. പഞ്ചായത്ത് ഹാളിൽ നടന്ന വാർഷിക പൊതുയോഗം ഗ്രാമ പഞ്ചായത്ത് പ്രസിഡന്റ് ഖദീജ മുഹമ്മദ് ഉദ്ഘാടനം ചെയ്തു. വൈസ് പ്രസിഡന്റ് ഒ ഇ അബ്ബാസ് അദ്ധ്യക്ഷത വഹിച്ചു. സി ഡി എസ് മെമ്പർ സെക്രട്ടറി വി മനോജ് റിപ്പോർട്ട് അവതരിപ്പിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് നിസാമോൾ ഇസ്മയിൽ, വാർഡ് മെമ്പർമാരായ അബൂബക്കർ മാങ്കുളം, കെ എം മൈതീൻ, കെ എം അബ്ദുൾ കരിം, ആഷിത അൻസാരി, റിയാസ് തുരുത്തേൽ, സഫിയ സലിം, സീനത്ത് മൈതീൻ, ഷാജിമോൾ റഫീഖ്, നസിയ ഷെമീർ, ഷിബി ബോബൻ,
എ എ രമണൻ എന്നിവർ പ്രസംഗിച്ചു.
സി ഡി എസ് ചെയർപേഴ്സൺ ഷാമില ഷാഫി സ്വാഗതവും, വൈസ് ചെയർപേഴ്സൺ സുജ ജിജോ കൃതജ്ഞതയും പറഞ്ഞു. പ്രായമേറിയ അയൽക്കൂട്ടം അംഗങ്ങളായ ത്രേസ്യാമ്മ ദേവസി, ചെല്ലമ്മ ശശികുമാർ എന്നിവരെ ചടങ്ങിൽ ആദരിച്ചു.
