പല്ലാരിമംഗലം: പല്ലാരിമംഗലം ഗ്രാമ പഞ്ചായത്ത് കൃഷിഭവന് കീഴിൽ പ്രവർത്തിക്കുന്ന മൈത്രി പച്ചക്കറി ക്ലസ്റ്ററിന്റെ നേതൃത്വത്തിൽ അരഏക്കർ സ്ഥലത്ത് പച്ചക്കറി കൃഷി ആരംഭിച്ചു. ഗ്രാമ പഞ്ചായത്ത് പ്രസിഡണ്ട് കദീജ മുഹമ്മദ് പച്ചക്കറി കൃഷിയുടെ ഉദ്ഘാടനം നിർവ്വഹിച്ചു. വൈസ് പ്രസിഡണ്ട് ഒ ഇ അബ്ബാസ് അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ സീനത്ത് മൈതീൻ, ഗ്രാമ പഞ്ചായത്തംഗങ്ങളായ എ എ രമണൻ, കെ എം മൈതീൻ, അബൂബക്കർ മാങ്കുളം കൃഷി ആഫീസർ ജാസ്മിൻ തോമസ്, പി കെ മൊയ്തു, എ പി മുഹമ്മദ്, ടി എം മൂസ, പി എം ഫരീദുദ്ധീൻ, എം എ ഷുക്കൂർ, എന്നിവർ പ്രസംഗിച്ചു.
