കവളങ്ങാട് : വീടിനുമുമ്പിൽ പടക്കം പൊട്ടിച്ചത് ചോദ്യം ചെയ്ത വീട്ടമ്മയേയും ഭർത്താവിനേയും വീട്ടുമുറ്റത്ത് അതിക്രമിച്ച് കയറി ആക്രമിച്ച കേസിൽ നാല് പേർ അറസ്റ്റിൽ. നേര്യമംഗലം പിറക്കുന്നം വെള്ളാപ്പാറ സ്വദേശികളായ ബ്ലാങ്കര വീട്ടിൽ സുമേഷ് (32), കളരിയ്ക്കൽ കുടിയിൽ വീട്ടിൽ അരുൺ (23), മൂലേക്കുടി വീട്ടിൽ അഖിൽ (കടു 21 ), ചെങ്ങന്നൂർ തൊനയ്ക്കാട്ട് ജിൻസി ഭവനിൽ ജിതിൻ രാജ് (29) എന്നിവരെയാണ് ഊന്നുകൽ പോലീസ് അറസ്റ്റ് ചെയ്തത്. 25 ന് രാത്രി പത്ത് മണിയോടെ വെള്ളാപ്പാറ ഭാഗത്താണ് സംഭവം. മൂവാറ്റുപുഴ ഡി.വൈ.എസ്.പി എസ് മുഹമ്മദ് റിയാസ്, എസ്.ഐ മാരായ കെ.പി സിദ്ദിഖ്, ഷാജു ഫിലിപ്പ് എ.എസ്.ഐ മാരായ ലെയ്സൻ ജോസഫ്, പി.ടിസുധീഷ്, എം.എസ്. സജീവ് കുമാർ, എസ്.സി.പി.ഒ മാരായ എ.പി.ഷിനോജ്, ഷനിൽ, പി.എ.നസീമ സി.പി.ഒ മാരായ പി.എൻ ആസാദ്, ഫൈസൽ തുടങ്ങിയവർ ചേർന്നാണ് പ്രതികളെ പിടികൂടിയത്.
