കോതമംഗലം: നെല്ലിമറ്റം എംബിറ്റ്സ് എഞ്ചിനീയറിംഗ് കോളേജിലെ സിവിൽ എഞ്ചിനീയറിംഗ് വിഭാഗത്തിന്റെ നേതൃത്വത്തിൽ സംഘടിപ്പിക്കുന്ന മൂന്ന് ദിവസത്തെ അന്തർദേശിയ വെബിനാർ ജൂലായ് 14 ന് ആരംഭിക്കും. “സുസ്ഥിര വികസനത്തിന് സിവിൽ എഞ്ചിനീയർമാരുടെ പങ്ക്” എന്ന വിഷയത്തിൽ ഉള്ള വെബിനാർ കേരള സർക്കാരിന്റെ അസാപ്‌ പദ്ധതിയുമായി സഹകരിച്ചുകൊണ്ടാണ് നടത്തപ്പെടുന്നത്. നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി വാറങ്കലിലെ പ്രഫസർ, ഡോ. കെ. വി. ജയകുമാർ മുഖ്യാഥിതിയായിരിക്കും.
ഡോ. നിതിൻ കുമാർ തൃപതി പ്രഫസർ ഏഷ്യൻ ഇൻസ്റ്റിറ്റ്യൂട്ട് ഓഫ് ടെക്നോളജി, തായ്‌ലൻഡ്, ശ്രീനിധി അനന്തരാമൻ മാനേജിങ് ഡയറക്ടർ ജിയോഡെസിക് ബാംഗ്ലൂർ, ഡോ. ആൽഫ്രഡ്‌ ജെ കല്യാണപ്പു, പ്രഫസർ ടെന്നസി ടെക്നോളോജിക്കൽ യൂണിവേഴ്സിറ്റി അമേരിക്ക, ഡോ.എൻ.വി. രമണ റാവു ഡയറക്ടർ എൻ.ഐ.ടി വാറങ്കൽ, എൻ.എൻ.എസ്.എസ്. റാവു ചീഫ് എഞ്ചിനീയർ സെൻട്രൽ പി ഡബ്ല്യൂ ഡി എന്നിവർ വിവിധ വിഷയങ്ങളിൽ സംസാരിക്കും. എം ബിറ്റ്സ് പ്രിൻസിപ്പൽ ഡോ പി.സോജൻ ലാൽ , സിവിൽ വിഭാഗം മേധാവി പ്രഫ. ഷൈനി വർഗീസ് എന്നിവർ പാനൽ മെമ്പേഴ്സ് ആയിരിക്കും.
