Connect with us

Hi, what are you looking for?

NEWS

നാൽക്കവലകളിൽ നിന്ന് അന്യം നിന്നുപോകുന്ന ഓക്സിജൻ പ്ളാൻറ്; മുത്തംകുഴി കവലക്കു തണലേകുന്ന ആല്‍മരം.

കോതമംഗലം :- മുത്തംകുഴി കവലയിലൂടെ സഞ്ചാരം തുടങ്ങിയ നാൾ മുതൽ കണ്ടു തുടങ്ങിയതാണ് നിറയെ ഇലകളുമായി പടര്‍ന്നു പന്തലിച്ചു നില്‍ക്കുന്ന ആ വലിയ ആല്‍മരത്തിന്റെ മനോഹര കാഴ്ച. പെരിയാർ വാലി കനാൽ ബണ്ടിനു സമീപത്തായി, കവലയിലെത്തുന്ന എല്ലാവർക്കും തണലേകി ഏതാണ്ട് മുപ്പത്തിഅഞ്ചു വർഷങ്ങളിലേറെയായി ഒരേ നിൽപ്പു തുടരുകയാണ് ആ ആൽമരം, സമീപത്തു കൂട്ടുകാരായി നാട്ടിൽ മഴമരമെന്നും, വട്ടമരമെന്നും അറിയപ്പെടുന്ന രണ്ടു വലിയ വൃക്ഷങ്ങൾ കൂടി തലയുയർത്തി നിൽപ്പുണ്ട്.

ആൽമരം ശരിക്കും പറഞ്ഞാൽ വെറും മരമല്ല,അതി വിശേഷവും, ശ്രേഷ്ഠമായതും, വളരെ ആയുർദൈർഘ്യമുള്ള ഒരു പുണ്യ വൃക്ഷമാണ്. മുത്തംകുഴിയിലെ ആൽമരത്തിനെകുറിച്ച് പറഞ്ഞാൽ, വർഷങ്ങളായി കവലയിലെ ഓട്ടോ സ്റ്റാൻഡിലെ ഓട്ടോ തൊഴിലാളി സുഹൃത്തുക്കൾക്കും, സമീപത്തുള്ള വ്യാപാര സ്ഥാപനങ്ങൾക്കും, പഞ്ചായത്ത്‌ കാര്യാലയത്തിൽ വന്നു പോകുന്നവർക്കും, ബസ് നോക്കി കവലയിൽ നിൽക്കുന്നവർക്കുമെല്ലാമെല്ലാം, തണലു നൽകി ആശ്വാസമേകി, വിശാലമായി ശുദ്ധ വായുവേകി, മുഖമുദ്രയായി, ഐശ്വര്യമായി നിലനിന്നുപോരുന്ന ഒന്നാണിത്.

എത്ര തലമുറകളെ ഈ മരം കണ്ടുകാണും ,നല്ലതും ചീത്തയും ആയ എത്ര സംഭവങ്ങള്‍ക്ക് സാക്ഷി ആയിക്കാണും ,പല രാഷ്ട്രീയ സാമുദായിക സമ്മേളനങ്ങൾക്കും തണലേകിയിട്ടുമുണ്ട്. ബസ് സ്റ്റോപ്പിൽ ഇടക്കിടെ കാണുന്ന പ്രദേശ വാസികളുടെ മരണ അറിയിപ്പുകൾ കണ്ട് സങ്കടം പൂണ്ടും കാണും. കവലയിൽ സ്ഥിരമായി വന്നു പോകുന്ന കുറെയേറെ ആളുകളുടെ കഥകള്‍ വർഷങ്ങളായി ആൽമരവും കൂട്ടുകാരും കേട്ടുകൊണ്ടേയിരിക്കുകയാണ്.മുത്തംകുഴി എവിടെ യാണെന്നെന്നു സംശയം പ്രകടിപ്പിക്കുന്നവർക്ക് പ്രദേശവാസികളും മറ്റു നാട്ടുകാരും പറഞ്ഞു കൊടുക്കുക , തൃക്കാരിയൂർ നിന്നു വെറ്റിലപ്പാറക്കു പോകുന്ന വഴി വലിയ കനാലും ഒരു ആൽമരവും ഉള്ള ജംഗ്ഷൻ കാണാം അതാണ് മുത്തംകുഴിയെന്നാണ്.

രാത്രി കടകൾ അടച്ചു, ജനങ്ങൾ ഒഴിഞ്ഞു, തിരക്കൊഴിയുമ്പോൾ എതിർ വശത്തെ ഹൈമാസ്റ്റ് ലൈറ്റിൽ നിന്നുള്ള വെളിച്ചത്താൽ ആലിലകൾക്കൊരു പ്രത്യേക സൗന്ദര്യം കാണാം.കുറച്ചു സമയം ഇതിന്റെ ചുവട്ടിൽ നിന്നാൽ ചെറു തണുപ്പോടെ ആയിരക്കണക്കിന് ഇലകളുടെ ആരവം പതിയെ കേൾക്കാം.

കുറച്ചു നാൾ മുൻപ് എവിടെയോ വായിച്ചതിപ്പോൾ ഓർമ്മകൾ വരുന്നു.

ആൽമരം നമ്മോടു പറയുകയാണ്……

“ഞാൻ വെയിൽ കൊണ്ട് നിങ്ങൾക്ക് തണലേകി…

ഞാൻ മഴ കൊണ്ടു നിങ്ങൾക്ക് ജലമേകി….

ഞാൻ ഓക്സിജൻ നൽകി നിങ്ങൾ തൻ വായു ശുദ്ധമാക്കി …”

ആഗോള താപനവും, സൂര്യാഘാതവും കൊണ്ടു പൊറുതിമുട്ടിയ ഈ കാലത്ത് ,മുത്തംകുഴി കവലയിലെ ജനങ്ങൾക്ക് വർഷങ്ങളായി തണലേകി…..ചലിക്കാത്ത, ജീവനുള്ള ജന്മങ്ങളായി , കോതമംഗലത്തെ ചുരുക്കം കവലകളിൽ മാത്രം ഇപ്പോൾ കാണാവുന്ന ഒന്നായി, അപൂർവ സൗഹൃദത്തോടെ ആൽമരവും വട്ടമരവും , മഴമരവും കവലയിൽ നിറഞ്ഞു നിൽക്കുകയാണ്… ഓരോ മരവും ഒരു വരമാണ്……ഭൂമി നമുക്ക് നൽകിയ സമ്മാനങ്ങൾ. അവയെ നമ്മൾ സംരക്ഷിക്കുക തന്നെ വേണം.

You May Also Like

NEWS

കോതമംഗലം : കോതമംഗലം നിയോജക മണ്ഡലത്തിൽ എം എൽ എയുടെ ആസ്തി വികസന ഫണ്ട് 3.5 കോടി രൂപ ചിലവഴിച്ചുള്ള കനാൽ ബണ്ട് നവീകരണത്തിന് തുടക്കമായി. മെയിൻ കനാൽ, ഹൈ ലെവൽ, ലോ...

NEWS

കോതമംഗലം :പിണ്ടിമന ഹെൽത്ത് സെന്ററിന്റെ ഈവനിംഗ് ഒ പി വിഭാഗത്തിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു .പഞ്ചായത്ത് പ്രസിഡന്റ് ജസി സാജു അദ്ധ്യക്ഷയായി .വൈസ് പ്രസിഡന്റ് ജയ്സൺ ദാനിയൽ...

ACCIDENT

കോതമംഗലം :ബാംഗളുരുവിൽ നഴ്സിംഗ് വിദ്യാർത്ഥി വാഹനാപകടത്തിൽ മരിച്ചു. കോതമംഗലം ചേലാട്, കരിങ്ങഴ മനിയാനിപുറത്ത് സിബി ചാക്കോ-ഷൈല ദമ്പതികളുടെ മകൻ ആന്റൺ സിബി(ആന്റപ്പൻ-21) ആണ് മരിച്ചത്. ആന്റൺ സഞ്ചരിച്ച ഇരുചക്രവാഹനം അപകടത്തിൽപെടുകയായിരുന്നു. ബാംഗളുരുവിൽ മൂന്നാം...

NEWS

കോതമംഗലം : വാവേലി , വേട്ടാമ്പാറ എന്നീ പ്രദേശങ്ങളിലെ അക്കേഷ്യാ മരങ്ങൾ മുറിച്ച്‌ മാറ്റൽ പ്രവർത്തി ആരംഭിച്ചു .മേയ്‌ക്കപാലാ ഫോറെസ്റ് സ്റ്റേഷന് കീഴിൽ വരുന്ന അക്കേഷ്യാ മരങ്ങളാണ് മുറിച്ചു നീക്കുവാൻ ആരംഭിച്ചിരിക്കുന്നത് .അക്കേഷ്യ...