കോതമംഗലം : മാലിപ്പാറ ഫാത്തിമ മാതാ യു.പി. സ്കൂളിന്റെ 74-ാമത് വാർഷികം “Fatmos 2k26” സംഘടിപ്പിച്ചു. ഉദ്ഘാടനം ആന്റണി ജോൺ എംഎൽഎ നിർവഹിച്ചു.സ്കൂൾ മാനേജർ റവ. ഫാ. ജോസ് കുന്നാനിക്കൽ അധ്യക്ഷത വഹിച്ച ചടങ്ങിൽ ഹെഡ്മാസ്റ്റർ ബിജോ ജോസ് റിപ്പോർട്ട്‌ അവതരിപ്പിച്ചു.
ചടങ്ങിൽപിണ്ടിമന ഗ്രാമപഞ്ചായത്ത് പ്രസിഡന്റും പി.റ്റി.എ പ്രസിഡന്റുമായ കെ.പി. ജോർജ്ജുകുട്ടി മുഖ്യപ്രഭാഷണം നടത്തി.കോതമംഗലം രൂപത കോർപ്പറേറ്റ് വിദ്യാഭ്യാസ ഏജൻസി സെക്രട്ടറി റവ. ഫാ. മാത്യു മുണ്ടയ്ക്കൽ അനുഗ്രഹപ്രഭാഷണവും ജൂബിലി വർഷ ഉദ്ഘാടനവും ചെയ്തു.
പിണ്ടിമന ഗ്രാമപഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്‌സൺ സിബി ജെയിംസ് ,വാർഡ് മെമ്പർ ഷൈനി ജിൻസ്, മാലിപ്പാറ സർവ്വീസ് സഹകരണ ബാങ്ക് പ്രസിഡന്റ് ജിജി സി. പോൾ,എം.പി.റ്റി.എ ചെയർപേഴ്‌സൺസിമി ബിന്ദു എന്നിവർ പങ്കെടുത്തു.
അദ്ധ്യാപക പ്രതിനിധി ജോമോൻ ജോസഫ് സ്വാഗതവും,ഹെഡ്ഗേൾ കുമാരി എൽസ ബൈജു കൃതജ്ഞതയും രേഖപ്പെടുത്തി. വാർഷികത്തോടനുബന്ധിച്ച് കുട്ടികളുടെ വിവിധ കലാപരിപാടികൾ അരങ്ങേറി.
അദ്ധ്യാപകരക്ഷാകർത്തൃദിനവും, എം.എൽ.എ ഫണ്ടിൽ നിന്നും അനുവദിച്ച ടോയ്ലറ്റ് ബ്ലോക്കിന്റെ ഉദ്ഘാടന കർമ്മവും, പ്ലാറ്റിനം ജൂബിലി വർഷാരംഭവും സംയുക്തമായി വാർഷികത്തോടനുബന്ധിച്ച് നടന്നു.
