കുട്ടമ്പുഴ : കുട്ടമ്പുഴ പഞ്ചായത്തിലെ വടാട്ടുപ്പാറയിൽ നിയന്ത്രണം വിട്ട കാർ കലുങ്കിൽ ഇടിച്ചു തോട്ടിലേക്ക് മറിഞ്ഞു. ഇന്നു ഉച്ചയ്ക്ക് രണ്ടു മണിയക്കാണ് സംഭവം നടന്നത്. വടാട്ടുപാറയിൽ നിന്നും കോതമംഗലത്തിന് പോയ കാറാണ് അപകടത്തിൽ പെട്ടത്. കാറിലുണ്ടാ യാത്രക്കർ അത്ഭുതകരമായ് രക്ഷപ്പെട്ടു.
വടാട്ടുപ്പാറ മീരാൻ സിറ്റിയ്ക്ക് സമീപം റോഡിന്റെ ഇറക്കത്തിലാണ് വാഹനം കലുങ്കിൽ ഇടിച്ചു മറിഞ്ഞത്. ഭൂതത്താൻകെട്ട് മുതൽ മീരാൻ സിറ്റിവരെ റോഡിന് വീതി കുറവാണ് അപടകാരണം എന്ന് നാട്ടുകാർ പറയുന്നു. വന്യ മൃഗങ്ങളുടെ ശല്യവും ഉള്ള ഇവിടെ നാട്ടുകാരുടെ സഹായേടെയാണ് കാർ യാത്രക്കാരെ രക്ഷപ്പെടുത്തിയത്.
