കീരമ്പാറ : ചാരുപാറ – പാലമറ്റം -മുവാറ്റുപുഴ റൂട്ടിൽ ഓടുന്ന കംപാനിയൻ (GKM) ബസിലെ ഡ്രൈവർക്ക് കോവിഡ് പോസിറ്റീവ് സ്ഥിരീകരിച്ചിട്ടുണ്ട്. ആയതിനാൽ 29/10/20 -ന് ഈ ബസിൽ യാത്ര ചെയ്ത ആർകെങ്കിലും പനി , ജലദോഷം, തൊണ്ടവേദന, ശ്വാസംമുട്ട് , വയറിളക്കം, മണം കിട്ടാത്ത അവസ്ഥ, തുടങ്ങിയ എന്തെങ്കിലും കോവിഡ് രോഗലക്ഷണങ്ങൾ ഉണ്ടായാൽ ഉടനടി ആശ -ആരോഗ്യപ്രവർത്തകരെ വിവരം അറിയിക്കേണ്ടതാണ്.
രോഗലക്ഷണങ്ങൾ ഉള്ളവർക്ക് ആവശ്യമായ എല്ലാ സേവനങ്ങളും ആരോഗ്യവകുപ്പ് ചെയ്ത് തരുന്നതാണെന്ന് മെഡിക്കൽ ഓഫീസർ, PHC, പുന്നേക്കാട് അറിയിച്ചു. ജനങ്ങൾ ആരും പരിഭ്രാന്തരാകേണ്ട ആവശ്യം ഇല്ലന്നും പകരം ജാഗ്രതയും കരുതലുമാണ് ആവശ്യമെന്ന് പഞ്ചായത്ത് പ്രിസിഡന്റ് ബെന്നി പോൾ പറഞ്ഞു.
