Connect with us

Hi, what are you looking for?

NEWS

കോതമംഗലം മണ്ഡലത്തിൽ 22 സഹകരണ സംഘങ്ങളിൽ നിന്നായി 628 പേർക്ക് റിസ്ക് ഫണ്ട്: മന്ത്രി വി എൻ വാസവൻ

കോതമംഗലം : കോതമംഗലം മണ്ഡലത്തിൽ 22 സഹകരണ സംഘങ്ങളിൽ നിന്നായി 628 പേർക്ക് റിസ്ക് ഫണ്ട് ആനുകൂല്യമായി 5,30,63,828/- രൂപ അനുവദിച്ചതായും അവശേഷിക്കുന്ന അർഹരായ മുഴുവൻ അപേക്ഷകൾക്കും റിസ്ക് ഫണ്ട് നൽകുന്നതിനുള്ള നടപടികൾ പുരോഗമിക്കുന്നതായും സഹകരണ വകുപ്പ് മന്ത്രി വി എൻ വാസവൻ നിയമസഭയിൽ അറിയിച്ചു.ആന്റണി ജോൺ എം എൽ എ യുടെ നിയമസഭ ചോദ്യത്തിന് മറുപടി പറയുമ്പോൾ ആണ് മന്ത്രി ഇക്കാര്യം അറിയിച്ചത്.കോതമംഗലം മണ്ഡലത്തിൽ നിന്നും വിവിധ സഹകരണ സംഘങ്ങളിൽ നിന്നായി റിസ്ക് ഫണ്ട് അനുകൂല്യത്തിന് വേണ്ടി എത്ര അപേക്ഷകൾ ലഭിച്ചിട്ടുണ്ടെന്നും ഇതിൽ എത്ര പേർക്ക് അനുകൂല്യം ലഭ്യമാക്കിയിട്ടുണ്ടെന്നും എം എൽ എ ചോദ്യം ഉന്നയിച്ചു.അർഹരായ മുഴുവൻ പേർക്കും റിസ്ക് ഫണ്ട് ആനുകൂല്യം വേഗത്തിൽ ലഭ്യമാക്കുവാൻ നടപടി സ്വീകരിക്കണമെന്നും എം എൽ എ നിയമസഭയിൽ ആവശ്യപ്പെട്ടു.കേരള സഹകരണ വികസന ക്ഷേമനിധി ബോർഡിലേക്ക് കോതമംഗലം നിയോജക മണ്ഡലത്തിൽ നിന്ന് റിസ്ക് ഫണ്ട് സ്കീമിൽ ഉൾപ്പെടുത്തി ധനസഹായം അനുവദിക്കുന്നതിനായി 1145 അപേക്ഷകൾ ലഭ്യമായിട്ടുണ്ട്.ലഭ്യമായ അപേക്ഷകളിൽ അർഹതപ്പെട്ട 626 അപേക്ഷകളിൽ ആയി ആകെ 5,30,63,828/- രൂപ റിസ്ക് ഫണ്ട് ധനസഹായം അനുവദിച്ച് നൽകിയിട്ടുള്ളതും 461 അപേക്ഷകളിൽ റിസ്ക് ഫണ്ട് ധനസഹായം അനുവദിക്കുവാൻ ബാക്കി നിൽപ്പുള്ളതും ഫണ്ട് മാനദണ്ഡങ്ങൾ പാലിക്കാത്തതിനാൽ പരിഗണിക്കാൻ സാധിക്കാത്ത 58 അപേക്ഷകൾ ഉള്ളതുമാണ്.

ഇടമലയാർ സർവീസ് സഹകരണ ബാങ്ക് 64 അപേക്ഷ 3640301/-,കവളങ്ങാട് സർവീസ് സഹകരണ ബാങ്ക് 70 അപേക്ഷ 4741924/-,കീരംപാറ സർവീസ് സഹകരണ ബാങ്ക് 58 അപേക്ഷ 5893803/-,കോതമംഗലം സർവീസ് സഹകരണ ബാങ്ക് 67 അപേക്ഷ 7958356/-,കോതമംഗലം അഗ്രികൾച്ചറൽ ഇംപ്രൂവ്മെന്റ് സഹകരണ സംഘം 1 അപേക്ഷ 20270/-,കോതമംഗലം റൂറൽ സഹകരണ സംഘം 2 അപേക്ഷ 66594/-,കോതമംഗലം സർവീസ് സഹകരണ ബാങ്ക് (ക്ലിപ്തം നമ്പർ 354)34 അപേക്ഷ 3301869/-,കോതമംഗലം താലൂക്ക് സഹകരണ അഗ്രികൾച്ചറൽ റൂറൽ ഡെവലപ്മെന്റ് ബാങ്ക് 6 അപേക്ഷ 361701/-,കോതമംഗലം താലൂക്ക് സഹകരണ എംപ്ലോയീസ് സഹകരണ സംഘം 4 അപേക്ഷ 251583/-,കോതമംഗലം താലൂക്ക് മത്സ്യ വ്യാപാര വിതരണ തൊഴിലാളി സഹകരണ സംഘം 1 അപേക്ഷ 48227/-,കോതമംഗലം താലൂക്ക് മറക്കന്റെയ്ൽ സഹകരണ സംഘം 21 അപക്ഷ 820558/-,കോട്ടപ്പടി ഈസ്റ്റ് സർവീസ് സഹകരണ ബാങ്ക് 20 അപേക്ഷ 2249582/-,കോട്ടപ്പടി സർവീസ് സഹകരണ ബാങ്ക് 10 അപേക്ഷ 1237712/-,കോഴിപ്പിള്ളി സർവീസ് സഹകരണ ബാങ്ക് 54 അപേക്ഷ 4581536/-,കുട്ടമ്പുഴ സർവീസ് സഹകരണ ബാങ്ക് 35 അപേക്ഷ 2744500/-,കുറ്റിലഞ്ഞി സർവീസ് സഹകരണ ബാങ്ക് 33 അപേക്ഷ 2760765/-,മാലിപ്പാറ സർവീസ് സഹകരണ ബാങ്ക് 24 അപേക്ഷ 1712603/-,മാമലക്കണ്ടം സർവീസ് സഹകരണ ബാങ്ക് 2 അപേക്ഷ 196424 /-,മാതിരപ്പിള്ളി സർവീസ് സഹകരണ ബാങ്ക് 5 അപേക്ഷ 637821/-,ഊന്നുകൽ സർവീസ് സഹകരണ ബാങ്ക് 32 അപേക്ഷ 3192688/-,പിണ്ടിമന സർവീസ് സഹകരണ ബാങ്ക് 30 അപേക്ഷ 2671350/-,വാരപ്പെട്ടി സർവീസ് സഹകരണ ബാങ്ക് 53 അപേക്ഷ 3973661/- എന്നിങ്ങനെ 22 സഹകരണ സംഘങ്ങളിൽ നിന്നായി 626 പേർക്കാണ് 5,30,63,828/- രൂപ റിസ്ക് ഫണ്ട് ആനുകൂല്യം അനുവദിച്ചത്.

കേരള സഹകരണ വികസന ക്ഷേമനിധി ബോർഡിലേക്ക് ബാങ്ക്/സംഘം മതിയായ രേഖകൾ ഉള്ളടക്കം ചെയ്യാതെ റിസ്ക് ഫണ്ട് ധനസഹായ അപേക്ഷകൾ സമർപ്പിക്കുന്നതിനാലും ഓരോ ജില്ലകളിൽ നിന്നും ലഭ്യമാകുന്ന അപേക്ഷകളുടെ എണ്ണം വർദ്ധിച്ചു കൊണ്ടിരിക്കുന്ന സാഹചര്യത്തിലും ധനസഹായം അനുവദിക്കുന്നതിൽ കാലതാമസം ഉണ്ടാവുന്നുണ്ട്.അപ്രകാരം ഉണ്ടാവുന്ന കാലതാമസം ഒഴിവാക്കി അർഹതപ്പെട്ടവർക്ക് റിസ്ക് ഫണ്ട് ആനുകൂല്യം അനുവദിക്കുന്നതിനായി ത്വരിതഗതിയിലുള്ള പ്രവർത്തനങ്ങൾ ബോർഡ് നടത്തിവരുന്നതും ആയതിലേക്ക് എല്ലാ ജില്ലകളിലും റിസ്ക് ഫണ്ട് അദാലത്തുകൾ സംഘടിപ്പിച്ച് അർഹതപ്പെട്ടവർക്ക് ആനുകൂല്യം ലഭ്യമാക്കുന്നതിനുള്ള പ്രവർത്തനങ്ങൾ നടത്തി വരികയാണെന്നും സഹകരണ വകുപ്പ് മന്ത്രി വി എൻ വാസവൻ ആന്റണി ജോൺ എം എൽ എ യെ നിയമസഭയിൽ അറിയിച്ചു.

You May Also Like

NEWS

കോതമംഗലം :ദേശീയപാത നവീകരണവുമായി ബന്ധപ്പെട്ട്‌ കോതമംഗലം നഗരസഭ പരിധിയിലും, കവളങ്ങാട്‌ ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള്‍ അടിയന്തിരമായി പരിഹരിക്കുന്നതിന്‌ ദേശീയപാത അതോറിറ്റി തയ്യാറാകണമെന്ന്‌ കോതമംഗലം താലൂക്ക്‌ വികസന സമിതി യോഗം ആവശ്യപ്പെട്ടു....

NEWS

കോതമംഗലം : ആന്റണി ജോൺ എം എൽ എ യുടെ പ്രത്യേക വികസന ഫണ്ടിൽ നിന്നും കോതമംഗലം നിയോജക മണ്ഡലത്തിലെ 23 ലൈബ്രറികൾക്ക് പുസ്തകങ്ങൾ വിതരണം ചെയ്തു. കേരളീയത്തിൻ്റെ ഭാഗമായി കേരള നിയമസഭ...

NEWS

കോതമംഗലം : കോട്ടപ്പടിയിൽ 12.14 കോടി രൂപ ചിലവഴിച്ച് 2 ഘട്ടങ്ങളിലായി നടപ്പിലാക്കിയ ഗ്രാമീണ ഭവന കുടിവെള്ള പദ്ധതിയുടെ ഉദ്ഘാടനം പഞ്ചായത്ത് ഓഫീസിന് സമീപം വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

കോതമംഗലം :കോതമംഗലം മണ്ഡലത്തിൽ പുതിയ മുൻഗണന കാർഡുകൾ വിതരണം ചെയ്തു. 240 മുൻഗണന കാർഡുകളുടെ വിതരണ ഉദ്ഘാടനം ആന്റണി ജോൺ എം എൽ എ നിർവഹിച്ചു .താലൂക്ക് കോൺഫറൻസ് ഹാളിൽ ചേർന്ന ചടങ്ങിൽ...