കോതമംഗലം:- കോതമംഗലം മണ്ഡലത്തിൽ ഭൂതത്താൻകെട്ട് ബാരേജിലെ ഷട്ടർ താഴ്ത്തി ബാരേജിൽ ആവശ്യമായ വെള്ളം നില നിർത്തി കുടിവെള്ള വിതരണം സുഗമമാക്കണമെന്ന് ആവശ്യപ്പെട്ട് ആൻറണി ജോൺ MLA ജില്ലാ കളക്ടർക്ക് കത്ത് നല്ലി. കാലവർഷക്കെടുതി മുന്നിൽ കണ്ട് കഴിഞ്ഞ ജൂൺ മാസം മുതൽ ബാരേജിൻ്റെ ഷട്ടറുകൾ പൂർണ്ണമായും തുറന്നിട്ടിരിക്കുന്നതിനാൽ പെരിയാറിലെ ജലനിരപ്പ് താഴ്ന്നതു മൂലം കീരംപാറ പഞ്ചായത്തിൻ്റെ തട്ടേക്കാട് പമ്പ്ഹൗസിലും, കവളങ്ങാട് പഞ്ചായത്തിൻ്റെ ആവോലിച്ചാൽ പമ്പ്ഹൗസിലും പമ്പിങ്ങ് തുടർച്ചയായി നടക്കാത്തതിനാൽ പ്രദേശങ്ങളിൽ കുടിവെള്ള വിതരണം തടസ്സപ്പെടുന്നതായും, മേൽ സാഹചര്യത്തിൽ കുടിവെള്ള വിതരണം സുഗമമാക്കുന്നതിനായി ഷട്ടറുകൾ താഴ്ത്തി ആവശ്യമായ അളവിൽ വെളം നില നിർത്തുന്നതിനു വേണ്ട ക്രമീകരണം ഏർപ്പെടുത്തണമെന്നും MLA കത്തിൽ ആവശ്യപ്പെട്ടു.
