Connect with us

Hi, what are you looking for?

NEWS

കാറ്റിൽ ആടിയൂലഞ്ഞത് കോതമംഗലത്തെ കർഷകരുടെ സ്വപ്‌നങ്ങളും, പ്രതീക്ഷകളും; 1.07 കോടി രൂപയുടെ നാശനഷ്ടം.

കോതമംഗലം : ബുധനാഴ്ച വൈകിട്ട് ഉണ്ടായ ശക്തമായ കാറ്റും മഴയും കോതമംഗലത്തെ കാർഷിക മേഖലക്ക് കനത്ത പ്രഹരമാണ് ഉണ്ടാക്കിയത്. കോതമംഗലം മുനിസിപ്പാലിറ്റി, കീരംപാറ, കവളങ്ങാട്, നെല്ലിക്കുഴി, പിണ്ടിമന,കുട്ടമ്പുഴ, വാരപ്പെട്ടി, പോത്താനിക്കാട് തുടങ്ങിയ പഞ്ചായത്തുകളിലാണ് കർഷകരുടെ പ്രതീക്ഷകളെ തകർത്തു കൊണ്ട് കാറ്റ് ആഞ്ഞടിച്ചത്. ബ്ലോക്കുതലത്തിൽ 197 കർഷകർക്കായി 1.07 കോടി രൂപയുടെ നാശനഷ്ടമാണ് പ്രാഥമികമായി വിലയിരുത്തുന്നത്. ആകെ 13,350 കുലച്ച നേന്ത്ര വാഴകളും 6,300കുലയ്ക്കാത്ത നേന്ത്ര വാഴകളും 1774 റബ്ബർ മരങ്ങളും, 149 ജാതി മരങ്ങളും, 9 തെങ്ങുകളും, 57 കൊക്കോ മരങ്ങളും പൂർണ്ണമായും നശിച്ചു. നാശനഷ്ടമുണ്ടായ സ്ഥലങ്ങളിൽ കൃഷി ഉദ്യോഗസ്ഥർ സന്ദർശിച്ച് പ്രാഥമിക നഷ്ടം വിലയിരുത്തി.

കീരംപാറയിൽ 35 കർഷകരുടെ 5500 കുലച്ച വാഴകളും 1500 കുലക്കാത്ത വാഴകളും 1200 റബ്ബറും 125 ജാതിയും 210 കമുകും നശിച്ചതു മൂലം 46 ലക്ഷം രൂപയുടെ നാശനഷ്ടവും,
കോതമംഗലം മുനിസിപ്പാലിറ്റിയിൽ 23 കർഷകരുടെ 3000 കുലച്ച വാഴകളും 1100 കുലക്കാത്ത വാഴകളും നശിച്ചത് മൂലം 18 ലക്ഷത്തോളം രൂപയുടെ നാശനഷ്ടമുണ്ടായി. കവളങ്ങാട് 45 കർഷകരുടെ 1200 കുലച്ച വാഴകളും 1800 കുലക്കാത്ത വാഴകളും 150 റബ്ബറും നശിച്ചതു മൂലം 13 ലക്ഷം രൂപയുടെ നാശനഷ്ടവും, കുട്ടമ്പുഴയിൽ 28 കർഷകരുടെ 250 കുലച്ച വാഴകളും 500 കുലക്കാത്ത വാഴകളും 320 റബ്ബർ, 12 ജാതി, 57 കൊക്കോ, 7 തെങ്ങ് എന്നിവ നശിച്ചതു മൂലം 12 ലക്ഷം രൂപയുടെ നാശനഷ്ടവും, പിണ്ടിമനയിൽ 26 കർഷകരുടെ 700 കുലച്ച വാഴകളും 550 കുലക്കാത്ത വാഴകളും 24 റബ്ബറും 12 ജാതിയും നശിച്ചതിൽ ആറു ലക്ഷം രൂപയുടെ നാശനഷ്ടവും, നെല്ലിക്കുഴിയിൽ 11 കർഷകരുടെ 1950 കുലച്ച വാഴകളും 350 കുലക്കാത്ത വാഴകളും 20 റബ്ബറും നശിച്ചതിൽ 6.75 രൂപയുടെ നാശനഷ്ടവും വിലയിരുത്തുന്നു.

വാരപ്പെട്ടിയിൽ 15 കർഷകരുടെ 400 കുലച്ച വാഴകളും 350 കുലക്കാത്ത വാഴകളും 25 റബ്ബറും രണ്ട് തെങ്ങും നശിച്ചതു മൂലം 3 ലക്ഷം രൂപയുടെ നാശനഷ്ടവും, പോത്താനിക്കാട് പഞ്ചായത്തിൽ 8 കർഷകരുടെ 250 കുലച്ച വാഴകളും 150 കുലക്കാത്ത വാഴകളും 15 റബ്ബറും നശിച്ചതു മൂലം രണ്ട് ലക്ഷം രൂപയുടെ നാശനഷ്ടവും, കോട്ടപ്പടിയിൽ 6 കർഷകരുടെ 100 കുലച്ച വാഴകളും 20 റബ്ബറും നശിച്ചതു മൂലം അമ്പതിനായിരം രൂപയുടെ നാശനഷ്ടവും വിലയിരുത്തുന്നു. കൃഷി നാശം ഉണ്ടായ കർഷകർ പ്രകൃതിക്ഷോഭം, വിള ഇൻഷുറൻസ് ആനുകൂല്യങ്ങൾക്കായി അതാത് കൃഷി ഭവനുമായി എത്രയും പെട്ടെന്ന് ബന്ധപ്പെടേണ്ടതാണെന്ന് കോതമംഗലം കൃഷി അസിസ്റ്റൻറ് ഡയറക്ടർ അറിയിച്ചു.

You May Also Like

ACCIDENT

കോതമംഗലം: കോതമംഗലത്ത് സ്കൂൾ വിദ്യാർത്ഥിയെ തോട്ടിൽ മരിച്ചനിലയിൽ കണ്ടെത്തി. കള്ളാട് കീഴേത്തുകുടി ബിനോജിൻ്റെ മകൻ അഭിമന്യു (12) വിനെയാണ് സ്കൂളിൽ നിന്ന് വിട്ടിലേക്ക് പോകുന്ന വഴിയിലുള്ള ചെറിയ കൈ തോട്ടിൽ മരിച്ചനിലയിൽ കണ്ടെത്തിയത്....

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...