Connect with us

Hi, what are you looking for?

CRIME

അടുക്കള വാതിൽ തകർത്ത് മോഷ്ടാവ് വീട്ടമ്മയുടെ സ്വർണ്ണമാല കവർന്നു.

കവളങ്ങാട് : കവളങ്ങാട് മോഷ്ടാക്കൾ അർത്ഥരാത്രി അടുക്കള വാതിൽ തകർത്ത് വീട്ടമ്മയുടെ മൂന്ന് പവൻ സ്വർണ്ണമാല വലിച്ച് പൊട്ടിച്ചു കടന്നു കളഞ്ഞു. തൊട്ടടുത്ത വീട്ടിലും അടുക്കള വാതിൽ തകർത്ത് അകത്ത് കടന്ന് മോഷ്ടിക്കാൻ ശ്രമം നടന്നതായും പരാതി. ഒരു മാസം മുമ്പ് കവളങ്ങാട് ഓപ്പറക്കവലയിൽ തെങ്ങുംകുടിയിൽ വീട്ടിൽ ജോണിയുടെ ഇരുനില വീടിൻ്റെ വാതിൽ തകർത്ത് മോഷണശ്രമം നടന്നിരുന്നു .പ്രദേശത്ത് മോഷ്ടാക്കളുടെ അടിക്കടിയുള്ള മോഷണശ്രമം നാട്ടുകാർ ഭീതിയിലാണ്. വെളുപ്പിന് രണ്ട് മണിക്ക് കവളങ്ങാട് മുൻ ഗ്രാമ പഞ്ചായത്ത് അംഗം താഴത്തൂട്ട് (കീച്ചറയിൽ) ഏലിയാസിൻ്റെ വീട്ടിലെ അടുക്കള വാതിൽ തകർത്ത് അകത്ത് കടന്ന മോഷ്ടാക്കളുടെ ശബ്ദം കേട്ട് ഏലിയാസിൻ്റെ ഭാര്യ എഴുന്നേറ്റു വരവെ രണ്ട് പേർ ചേർന്ന് കഴുത്തിൽ കിടന്ന മാല വലിച്ച് പൊട്ടിക്കുകയും ഒച്ചവച്ചപ്പോൾ മോഷ്ടാക്കൾ ഇരുളിൽ ഓടി മറയുകയുമായിരുന്നെന്ന് വീട്ടമ്മ ഊന്നുകൽ പോലീസിൽ നൽകിയിട്ടുള്ള മൊഴി.

തൊട്ടടുത്ത വീടായ പൂനാട്ട് സുനിലിൻ്റെ വീടിൻ്റെ അടുക്കള വാതിൽ തകർത്ത് മോഷ്ടാക്കൾ അകത്ത് കടന്നെങ്കിലും മോഷ്ടാക്കളുടെ മോഷണശ്രമം പരാജയപ്പെടുകയായിരുന്നു എന്ന് പോലീസ് പറയുന്നു. ഊന്നുകൽ പോലീസ് അന്വഷണം തുടങ്ങി.സംഭവ സ്ഥലത്ത് പോലീസ് നായയെ കൊണ്ടുവന്നെങ്കിലും വെളുപ്പിന് പെയ്ത മഴ ഉദ്യമത്തിന് തടസ്സമായി.തുടർന്ന് മുവാറ്റുപുഴ ഡി.വൈ.എസ്.പി.യുടെ നേതൃത്വത്തിൽ സംഭവസ്ഥലം സന്ദർശിച്ചിരുന്നു. മഴക്കാലമായതോടെ ഉറങ്ങുന്നതിന് മുൻപ് വാതിലുകൾ ഭദ്രമായി അടയ്ക്കുന്നതിനും പുറക് വശത്തും മുൻവശത്തും ലൈറ്റുകൾ ഇടണമെന്നും എന്തെങ്കിലും സംശയം തോന്നിയാൽ അടുത്തുള്ള സ്റ്റേഷനിൽ വിവരമറിയിക്കണമെന്നും പോലീസ് പറഞ്ഞു.

You May Also Like

NEWS

കോതമംഗലം : കവളങ്ങട് പഞ്ചായത്തിലെ ജനവാസ മേഖലയിൽ നിന്ന് കാട്ടാനകളെ തുരത്താൻ വനം വകുപ്പ് ഇന്ന് നടത്തിയ ശ്രമം പരാജയപ്പെട്ടു. ചാരുപാറ ഭാഗത്തു നിന്നും പടക്കം പൊട്ടിച്ചും ബഹളം വച്ചും ആനയെ ഓടിച്ചെങ്കിലും...

NEWS

കോതമംഗലം: പെരുമണ്ണുർ വെട്ടിയാങ്കൽ ഫെബിൻ പോളിന് യു കെയിൽ ഗവേഷണത്തിന് 1.5 കോടി സ്കോളർഷിപ്പ് ലഭിച്ചു. സ്കോട്ലാൻഡിലെ എഡിൻ ബർഗ് നേപ്പിയർ സർവകലാശാലയിൽ ഡയറക്ട് പിഎച്ച്ഡി പഠനത്തിനു നാല് വർഷത്തയ്ക്കാണ് സ്കോളർഷിപ്പ്. ഫ്ളക്സിബിൾ...

NEWS

  കോതമംഗലം:പ്രസിഡൻ്റ് തെരഞ്ഞെടുപ്പ് നടന്ന കോതമംഗലം താലൂക്കിലെ കവളങ്ങാട് ഗ്രാമപഞ്ചായത്തിൽ മൂന്ന് UDF വിമതരുടെ പിന്തുണയോടെ LDF ഭരണം പിടിച്ചു. കോൺഗ്രസ് വിമതൻ സിബി മാത്യു വാണ് പ്രസിഡൻ്റ് ആയി തിരഞ്ഞെടുക്കപെട്ടത്. കോൺഗ്രസിലെ...

CHUTTUVATTOM

കോതമംഗലം: എംബിറ്റ്‌സ് എഞ്ചിനീയറിംഗ് കോളേജിലെ 2019 -23 ബാച്ച് ബിടെക്, 2021-223 ബാച്ച് എംടെക് വിദ്യാർത്ഥികളുടെ ഫെയർവെൽ അലുംനി ഇൻഡക്ഷൻ പ്രോഗ്രാം സംഘടിപ്പിച്ചു. മാർ തോമ ചെറിയ പള്ളി വികാരി റവ. ഫാ....