കൊച്ചി : ചിത്രകലയിൽ വ്യത്യസ്ത കൊണ്ടു വരുന്ന പ്രശസ്ത ശില്പിയും, കലാകാരനുമായ ഡാവിഞ്ചി സുരേഷിന്റെ ചിത്രം വരച്ച് സുധി മണ്ണാറത്താഴം. തന്റെ ചിത്രം വരച്ച സുധിയെ നേരിട്ട് കണ്ടു സുരേഷ് അഭിനന്ദിച്ചു. തനിക്ക് കിട്ടിയ ഈ വലിയ സമ്മാനം കാണാന്‍ സുരേഷ് സുധിയുടെ വീട്ടിലെത്തി. കൊടുങ്ങല്ലൂര്‍ പുല്ലൂറ്റ് പാലത്തിനടുത്ത് മണ്ണാറത്താഴം എന്ന സ്ഥലത്താണ് സുധിയുടെ വീട്. ഒരുപാട് വ്യത്യസ്തത നിറഞ്ഞ കുറെ വര്‍ക്കുകള്‍ കാണാന്‍ സാധിച്ചുവെന്നും നല്ല കഴിവുകളുള്ള കലാകാരന്‍ ആണ് സുധിയെന്നും ഡാവിഞ്ചി സുരേഷ് പറഞ്ഞു.
ബാഹുബലിയിലെ പ്രഭാസ് , മമ്മൂട്ടി ,പ്രിഥ്വിരാജ്, നിവിന്‍പൊളി ദിലീപ് തുടങ്ങിയ സിനിമാ താരങ്ങളെയും വ്യത്യസ്ത മീടിയങ്ങളിലും വ്യത്യസ്ത ചിത്രരചനാ രീതികളിലും സുധി കുറെ ചിത്രങ്ങള്‍ വരച്ചിട്ടുണ്ട് . ഡാവിഞ്ചി സുരേഷിന്റെ ചിത്രം തുണിയുടെ വെട്ടുകഷണങ്ങള്‍ കാലുകൊണ്ട് ചുമരില്‍ പശ തേച്ചു ഒട്ടിച്ചു വരയ്ക്കുകയായിരുന്നു. അതും സാഹസികമായി റോപ്പ് കയറില്‍ വടി കെട്ടി അതില്‍ തൂങ്ങിപ്പിടിച്ച്‌ കാലുകൊണ്ട് വരയ്ക്കുകയായിരുന്നു. ഇതു വരയ്ക്കാൻ മൂന്നാഴ്ച സമയമെടുത്തു.
കല്പണിക്കാരനായ സുധി ഒഴിവു സമയങ്ങളില്‍ ചെയ്യുന്ന വ്യത്യസ്ഥങ്ങളായ പല വര്‍ക്കുകളും നമ്മെ അത്ഭുത പെടുത്തുന്നതാണ്. സുരേഷ് വിദേശത്ത് പോകും മുന്‍പ്‌ നൂറു മീഡിയം ചെയ്യുന്നതിന്‍റെ ആദര സൂചകമായി വ്യത്യസ്ത ചിത്രം കൊണ്ട് യാത്രയയപ്പു നല്‍കി സുരേഷിനെ അത്ഭുതപ്പെടുത്തിക്കളഞ്ഞു ഈ കലാകാരന്‍. വരയിൽ സുധിയെ സഹായിക്കാൻ ഭാര്യ കില്ഷയും മകന്‍ പ്രണവും കൂടെതന്നെയുണ്ട്.
