കോതമംഗലം: ഇന്ത്യന്‍ ഡെന്റല്‍ അസോസിയേഷന്‍ (ഐഡിഎ) മലനാട് ശാഖയുടെ ആഭിമുഖ്യത്തില്‍ സംസ്ഥാന ഡെന്റല്‍ സ്റ്റുഡന്‍സ് കോണ്‍ഫറന്‍സ് നടത്തി. കോതമംഗലം മാര്‍ ബസേലിയോസ് ഡെന്റല്‍ കോളേജില്‍ നടന്ന പരിപാടികള്‍ ഐഡിഎ സംസ്ഥാന പ്രസിഡന്റ് ഡോ. ടെറി തോമസ് ഇടത്തൊട്ടി ഉല്‍ഘാടനം ചെയ്തു. മലനാട് ശാഖ പ്രസിഡന്റ് ഡോ.പ്രദീപ് ഫിലിപ്പ് ജോര്‍ജ് അധ്യക്ഷത വഹിച്ചു. കോതമംഗലം ഇന്ദിരഗാന്ധി ഡെന്റല്‍ കോളേജ് ഓവറോള്‍ ചാമ്പ്യന്‍മാരായി. തൊടുപുഴ അല്‍അസര്‍ രണ്ടാം സ്ഥാനവും, നെയ്യാറ്റിന്‍കര നൂറല്‍ ഇസ്ലാം ഡെന്റല്‍ കോളേജ് മൂന്നാം സ്ഥാനവും കരസ്ഥമാക്കി. സമാപന സമ്മേളനം ചലച്ചിത്രതാരം സാജു നവോദയ ഉദ്ഘാടനം ചെയ്തു. മലനാട് ശാഖ സെക്രട്ടറി ഡോ. ബൈജു പോള്‍ കുര്യന്‍, ഐഡിഎ സംസ്ഥാന പൊതുജന ദന്താരോഗ്യ വിഭാഗം കണ്‍വീനര്‍ ഡോ. ദീപക് കളരിക്കല്‍, സ്റ്റുഡന്റസ് പ്രോഗ്രാം കണ്‍വീനര്‍ ഡോ. ആര്‍. അരുണ്‍, മാര്‍ ബസേലിയോസ് ഡെന്റല്‍ കോളേജ് ബോര്‍ഡ് മെമ്പര്‍ പ്രീറ്റ്സി പോള്‍, മാനേജര്‍ ഷാജി പീറ്റര്‍, ഡോ. എല്‍ദോ ടി. പോള്‍ തുടങ്ങിയവര്‍ പ്രസംഗിച്ചു. തുടര്‍ന്ന് മിമിക്രി കലാകാരന്‍ അരുണ്‍ ഗിന്നസ്, വയലനിസ്റ്റ് ശങ്കര്‍ ചിന്നസ്വാമി എന്നിവര്‍ പരിപാടികള്‍ അവതരിപ്പിച്ചു. കേരളത്തിലെ വിവിധ കോളേജുകളില്‍ നിന്നായി മുന്നൂറോളം വിദ്യാര്‍ഥികള്‍ മത്സരത്തില്‍ പങ്കെടുത്തു.
