കോതമംഗലം: മാര് ബസേലിയോസ് ഡെന്റല് കോളേജിലെ 2020 ബാച്ച് ബിഡിഎസ് വിദ്യാര്ത്ഥികളുടെ ബിരുദദാന ചടങ്ങ് ‘അധ്യായ ’26’ സംഘടിപ്പിച്ചു. അക്കാദമിക് ഘോഷയാത്രയോടെയാണ് ചടങ്ങുകള് ആരംഭിച്ചത്. ആബൂന് മോര് ബസേലിയോസ് തോമസ് മെമ്മോറിയല് ഹാളില് നടന്ന ബിരുദദാന ചടങ്ങ് കേരള സര്ക്കാര് കായിക വകുപ്പിന്റെ സ്പെഷ്യല് സെക്രട്ടറി പ്രശാന്ത് നായര് ഐഎഎസ് ഉദ്ഘാടനം ചെയ്തു.
ഡെന്റല് പിജി എന്ട്രന്സ് പരിശീലന സ്ഥാപനമായ സീഡീസ് ഡയറക്ടര് പ്രൊഫ. ഡോ. റെയ്സണ് തോമസ് മുഖ്യപ്രഭാഷണവും, മാര്ത്തോമ്മ ചെറിയപള്ളി വികാരി ഫാ. സാജു കുരീക്കാപ്പിള്ളില് അനുഗ്രഹപ്രഭാഷണവും നടത്തി. ഷിബു തെക്കുംപുറം എംഎല്എ മെറിറ്റ് അവാര്ഡുകള് സമ്മാനിച്ചു. പ്രിന്സിപ്പല് പ്രൊഫ. ഡോ. ബൈജു പോള് കുര്യന് ബിരുദദാന പ്രതിജ്ഞ ചൊല്ലിക്കൊടുത്തു. കോതമംഗലം മേഖല മെത്രാപ്പോലീത്ത അഭി. ഏലിയാസ് മോര് യൂലിയോസ് തിരുമേനി അധ്യക്ഷത വഹിച്ചു.
featuപ്രിന്സിപ്പല് പ്രൊഫ. ഡോ. ബൈജു പോള് കുര്യന്, എംബിഎംഎം അസോസിയേഷന് വൈസ് പ്രസിഡന്റ് വിന്സന്റ് പി.പി, സെക്രട്ടറി സലിം ചെറിയാന്, ട്രഷറര് സണ്ണി എം.എം, കോളേജ് ഡീന് പ്രൊഫ. ഡോ. വര്ഗീസ് മാണി, മാര്ത്തോമ്മ ചെറിയപള്ളി ട്രസ്റ്റിയും എംബിറ്റ്സ് സെക്രട്ടറിയുമായ ബിനോയ് തോമസ്, മാര് ബേസില് സ്കൂള് മാനേജര് ലാല് വര്ഗീസ്, മാര്ത്തോമ്മ ചെറിയപള്ളി സെലക്ഷന് ബോര്ഡ് ചെയര്മാന് ഡോ. സാബു കുര്യന്, എംബിഎംഎം ഹോസ്പിറ്റല് ചീഫ് ഓപ്പറേഷന്സ് ഓഫീസര് സനീബ് രഘുനാഥന്, ഡെന്റല് കോളേജ് ചീഫ് ഓപ്പറേഷന്സ് ഓഫീസര് ഡോ. കെംതോസ് പോള്, വൈസ് പ്രിന്സിപ്പല് ഡോ. ജയന് ജേക്കബ് മാത്യു, ഡോ. എബി ആലുക്കല്, ഡോ. ജോസഫ് സെബാസ്റ്റ്യന്, ഡാ. ശീതള് ഹിലാരിയന്, ഡോ. അഞ്ജലി സൂസന് ജോര്ജ് എന്നിവര് പ്രസംഗിച്ചു.
