കാര്‍ താഴ്ചയിലേക്ക് തലകീഴായി മറിഞ്ഞു.

കോതമംഗലം : മലയൻകീഴ് ബൈപാസ്സിന് സമീപം കാർ തലകീഴായി മറിഞ്ഞു. റോഡിൽ നിന്നും തെന്നിമാറി താഴ്ചയിലേക്ക് പതിക്കുകയായിരുന്നു. ഡ്രൈവർ മാത്രമാണ് കാറിൽ ഉണ്ടായിരുന്നത്. അപകടത്തെ തുടർന്ന് ഓടിക്കൂടിയ നാട്ടുകാർ നെല്ലിമറ്റം സ്വദേശിയായ ഡ്രൈവറെ സുരക്ഷിതമായി പുറത്തെത്തിക്കുകയും ചെയ്‌തു. നിസ്സാര പരുക്കുകൾ മാത്രമാണ് ഉണ്ടായിരുന്നത്.