കോതമംഗലം : ബൈക്ക് മോഷണ കേസിലെ പ്രതി അറസ്റ്റിൽ. കോതമംഗലം, മാതിരപ്പിള്ളി വിളയാൽ ഭാഗത്ത് മൂലേച്ചാലിൽ വീട്ടിൽ സച്ചിൻ സിബി (23) നെയാണ് കോതമംഗലം പോലീസ് അറസ്റ്റ് ചെയ്തത്. കഴിഞ്ഞ 27ന് രാത്രിയിൽ കോതമംഗലം സോഫിയ കോളേജ് റോഡിൽ തോട്ടത്തികുളം അബ്ദുൽ ഖാദർ എന്നയാളുടെ വീടിനു മുൻവശം പാർക്ക് ചെയ്തിരുന്ന മോട്ടോർസൈക്കിൾ ആണ് മോഷണം പോയത്. പോലീസ് നടത്തിയ ശാസ്ത്രീയ അന്വേഷണത്തിനെടുവിൽ പ്രതിയെ വീട്ടിൽ നിന്നുമാണ് അറസ്റ്റ് ചെയ്തത്. പ്രതിക്ക് കോതമംഗലം, വാഗമൺ എന്നീ പോലീസ് സ്റ്റേഷനുകളിലും കോതമംഗലം എക്സൈസ് സർക്കിളിലും കേസുകൾ ഉണ്ട്.
അന്വേഷണ സംഘത്തിൽ ഇൻസ്പെക്ടർ പി.ടി.ബിജോയി, എസ് ഐ മാരായ ആൽബിൻ സണ്ണി, പി.വി.എൽദോസ്, എ എസ് ഐ കെ.എം.സലിം, എസ് സി പി ഒ മാരായ സുനിൽ മാത്യൂ, ജോസ് ബെന്നോ എന്നിവയാണ് ഉണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻറ് ചെയ്തു.
