കോതമംഗലം:- ഇന്നലെയുണ്ടായ ശക്തമായ വേനൽ മഴയിലും,കാറ്റിലും ചെറുവട്ടൂർ പാറേപ്പീടിക ഭാഗത്ത് വീടുകൾക്കും, കാർഷിക വിളകൾക്കും കനത്ത നാശ നഷ്ടമുണ്ടായി.ആമിന പ്ലാങ്കോട്ടിൽ,ശിവദാസൻ ഇടശ്ശേരികുന്നേൽ,രാജേഷ് കൊല്ലമോളത്ത് എന്നിവരുടെ വീടുകൾക്കാണ് നാശ നഷ്ടം സംഭവിച്ചത്. നിരവധി കർഷകരുടെ ഏത്തവാഴ കൃഷിക്കും,റബ്ബറിനും നാശ നഷ്ടം സംഭവിച്ചിരുന്നു. കെ എസ് ഇ ബി യുടെ 25 ൽ അധികം ഇലക്ട്രിക് പോസ്റ്റുകളും,ഇലക്ട്രിക് ലൈനുകളും തകർന്നു.
കാറ്റ് നാശം വിതച്ച സ്ഥലങ്ങൾ ആന്റണി ജോൺ എംഎൽഎ സന്ദർശിച്ചു. റവന്യൂ, കൃഷി, കെ എസ് ഇ ബി ഉദ്യോഗസ്ഥരും എംഎൽഎയോടൊപ്പമുണ്ടായിരുന്നു. നാശ നഷ്ടങ്ങൾ സംഭവിച്ചവർക്ക് അർഹമായ നഷ്ട പരിഹാരം ലഭ്യമാക്കുന്നതിനു വേണ്ടിയുള്ള നടപടി ക്രമങ്ങൾ വേഗത്തിലാക്കുവാൻ എംഎൽഎ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നല്കി.
