കോതമംഗലം: ലോകത്തിലെ ഏറ്റവും വലിയ ജനാധിപത്യ രാഷ്ട്രവും ലിഖിത ഭരണഘടനയുമുള്ള ഇന്ത്യയിൽ നിലവിലെ നിയമവ്യവസ്ഥകൾ കാറ്റിൽപ്പറത്തിക്കൊണ്ട് എസ് ഐ ആറിന്റെ മറവിൽ രാജ്യത്തെ തിരഞ്ഞെടുപ്പ് പ്രക്രിയകൾ അട്ടിമറിക്കുന്ന കേന്ദ്ര തെരഞ്ഞെടുപ്പ് കമ്മീഷണറുടെ ഭരണഘടനാ ലംഘനത്തിനെതിരെ ആം ആദ്മി പാർട്ടി കോതമംഗലം നിയോജകമണ്ഡലം കമ്മിറ്റി കോതമംഗലം ഹെഡ് പോസ്റ്റ് ഓഫീസിനു മുൻപിൽ പ്രതിഷേധിച്ചു.
നിയോജകമണ്ഡലം സെക്രട്ടറി റെജി ജോർജ് അദ്ധ്യക്ഷത വഹിച്ചു. പാർട്ടി ജില്ലാ കമ്മിറ്റിയംഗം ബാബു മാത്യു പീച്ചാട്ട് ഉദ്ഘാടനം ചെയ്തു. ജോൺസൻ കറുകപ്പിള്ളി മുഖ്യപ്രഭാഷണം നടത്തി. കെഎസ് ഗോപിനാഥൻ, വിജോയി പുളിക്കൽ, ലാലു മാത്യു, ശാന്തമ്മ ജോർജ് എന്നിവർ പ്രസംഗിച്ചു.
