കോതമംഗലം: നെല്ലിക്കുഴി പഞ്ചായത്തുംപടിയിൽ നിന്നും ആരംഭിച്ച് തങ്കളം ബൈപാസിൽ എത്തിച്ചേരുന്ന നെല്ലിക്കുഴി- കുരൂർ റോഡിൻ്റെ ഇരുവശത്തുമുള്ള കൈയേറ്റങ്ങൾ ഒഴിപ്പിച്ച് വീതികൂട്ടി പുനർനിർമ്മിക്കണമെന്ന എ.ഐ.വൈ.എഫ് തൃക്കാരിയൂർ മേഖലാസമ്മേളനം ആവശ്യപ്പെട്ടു. റോഡിൽ പലസ്ഥലത്തും നിരവധി കൈയേറ്റങ്ങൾ ഉള്ളതുകൊണ്ട് സുഗമമായ ഗതാഗതത്തിന് തടസ്സം സൃഷ്ടിക്കുകയാണ്.
കൈയേറ്റങ്ങൾ പൂർണ്ണമായും ഒഴിവാക്കി പുനർനിർമ്മിച്ചാൽ നെല്ലിക്കുഴി ജംഗ്ഷനും, തങ്കളം ജംഗ്ഷനും, സിഗ്നലും ഒഴിവാക്കി ബൈപാസിൽ എത്തിച്ചേരുവാൻ സാധിക്കും. മൊയ്തീൻ പിള്ള ആശാൻ സ്മാരക സ്മന്ദത്തിൽ നടന്ന മേഖലാ സമ്മേളനം എ. ഐ.വൈ.എഫ് എറണാകുളം ജില്ലാ പ്രസിഡൻ്റ് പി.കെ രാജേഷ് ഉദ്ഘാടനം ചെയ്തു.
സിപിഐ തൃക്കാരിയൂർ ലോക്കൽ കമ്മിറ്റി സെക്രട്ടറി സി.എ സിദ്ധീഖ് , മാർട്ടിൻ സണ്ണി , ശരത്ചന്ദ്ര ബാബു , കെ. എ സുഹൈൽ കെ.എസ് നൗഷാദ് എന്നിവർ പ്രസംഗിച്ചു .സമ്മേളനത്തിന്റെ ഭാഗമായി തങ്കളത്ത് അഖില കേരള വടംവലി മത്സരവും നടത്തി.
