കോതമംഗലം: യുവാവിനെ ആക്രമിച്ച് പരിക്കേല്പ്പിച്ച കേസില് ഒളിവില് കഴിയുകയായിരുന്ന പ്രതി അറസ്റ്റില്. തങ്കളം ജവഹര് കോളനി കരോട്ടുപുത്തന്പുര മുഹമ്മദ് മുനീര് (സെബാട്ടി -32) നെയാണ് കോതമംഗലം പോലീസ് അറസ്റ്റ് ചെയ്തത്. കഴിഞ്ഞ ഫെബ്രുവരിയില് കോതമംഗലത്ത് യുവാവിനെ ആക്രമിച്ച് പരിക്കേല്പ്പിച്ച കേസില് ഒളിവില് കഴിയുകയായിരുന്നു.
കേസിലെ മറ്റ് രണ്ട് പ്രതികളെ മുന്പ് പിടികൂടിയിരുന്നു. തുടര്ന്നുള്ള അന്വേഷണത്തില് കോതമംഗലം അങ്ങാടിക്കര ഭാഗത്തുനിന്നാണ് പ്രതിയെ പിടികൂടിയത്. പിടികൂടിയ സമയം ഇയാളുടെ പക്കല് നിന്നും 0.29 ഗ്രാം എംഡിഎംഎയും കണ്ടെടുത്തു. മയക്കുമരുന്നുമായി ബന്ധപ്പെട്ട് ഗാന്ധിനഗര്, പെരുമ്പാവൂര്, എന്നീ പോലീസ് സ്റ്റേഷനില് ഇയാള്ക്കെതിരെ കേസുകള് ഉണ്ട്. സബ് ഇന്സ്പെക്ടര് എല്ദോ പോളിന്റെ നേതൃത്വത്തിലുള്ള സംഘമാണ് കേസ് അന്വേഷിച്ചത്.
