കോതമംഗലം: ബ്ലോക്ക് പഞ്ചായത്തിന്റെ 2026 -27 വർഷത്തെ ജനകീ യാ സൂത്രണ പദ്ധതിയുടെ ഭാഗമായി നടപ്പിലാക്കുന്ന ഹൈബ്രിഡ് പച്ചക്കറി വിത്തുകളുടെ വിതരണോദ്ഘാടനം ബ്ലോക്ക് പ്രസിഡന്റ് ജെസ്സി സാജു നിർവഹിച്ചു.ബ്ലോക്ക് പഞ്ചായത്ത് വൈസ് പ്രസിഡന്റ് വിജോയ് പി. ജോസഫ് അധ്യക്ഷത വഹിച്ചു.
കോതമംഗലം കൃഷി അസിസ്റ്റന്റ് ഡയറക്ടർ പ്രിയ മോൾ തോമസ്, ബ്ലോക്ക് സ്ഥിരംസമിതി ചെയർമാൻ ബിൻസി മോഹൻ, കവളങ്ങാട് പഞ്ചായത്ത് പ്രസിഡന്റ് ബിന്ദു, കീരംപാറ പഞ്ചായത്ത് പ്രസിഡന്റ് റീന ജോഷി, പല്ലാരിമംഗലം പഞ്ചായത്ത് പ്രസിഡണ്ട് സംഗീത പ്രതീഷ്, ബ്ലോക്ക് പഞ്ചായത്ത് അംഗങ്ങളായ ചിഞ്ചു പി. എബ്രഹാം, മേഘ ഷിബു, പ്രിയങ്ക ടോമി, പി.എം സിദ്ധിക്ക്, സിജോ ജോൺ, ജേക്കബ് വർഗീസ്, രാജേഷ് കുഞ്ഞുമോൻ,വൃന്ദ കുമാരി, രഞ്ജിനി രവി, ശ്രീചിത്ര ശ്രീനിവാസ് , കുട്ടമ്പുഴ പഞ്ചായത്ത് വികസനകാര്യ സ്ഥിരം സമിതി ചെയർമാൻ കാന്തി വെള്ളക്കയ്യൻ , കവളങ്ങാട് കൃഷി ഓഫീസർ കെ. എ സജി ,നെല്ലിക്കുഴി കൃഷി ഓഫീസർ എം. ഗ്രീഷ്മ എന്നിവർ ചടങ്ങിൽ പങ്കെടുത്തു.
പച്ചക്കറികളുടെ ഉത്പാദനം വർദ്ധിപ്പിക്കുക എന്ന് ഉദ്ദേശത്തിലാണ് ഹൈബ്രിഡ് ഇനത്തിൽപ്പെട്ട അത്യുപാദനശേഷിയുള്ള പച്ചക്കറി ഇനങ്ങളുടെ വിത്തുകൾ ബ്ലോക്ക് പഞ്ചായത്തിന്റെ ആഭിമുഖ്യത്തിൽ വിതരണം നടത്തുന്നത്. പാവൽ, പടവലം, വള്ളിപ്പയർ, വെണ്ട, ചീര എന്നീ പച്ചക്കറി വിളകളുടെ ഹൈബ്രിഡ് വിത്തി നങ്ങൾ ഉൾപ്പെടുന്ന കിറ്റുകളാണ് പദ്ധതിയുടെ ഭാഗമായിട്ട് വിതരണം നടത്തുന്നത്. കോതമംഗലം ബ്ലോക്കിലെ 10 പഞ്ചായത്തുകളിലും കിറ്റുകൾ കർഷകർക്ക് വിതരണം നടത്തുമെന്നും അറിയിച്ചു.
