പൈങ്ങോട്ടൂര്‍: ഊന്നുകല്‍-വെങ്ങല്ലൂര്‍ സംസ്ഥാന പാതക്ക് സമീപം കുളപ്പുറത്ത് സ്വകാര്യ വ്യക്തിയുടെ പുരയിടത്തില്‍ നിന്ന് കൂറ്റന്‍ പെരുമ്പാമ്പിനെ പിടികൂടി. കുളപ്പുറം കുമ്മംകോട്ടില്‍ ഷേര്‍ളി ജെയിംസിന്റെ പുരയിടത്തില്‍ നിന്നാണ് പാമ്പിനെ പിടികൂടിയത്. ബുധനാഴ്ച പുലര്‍ച്ചെ 12 ഓടെയാണ് സംഭവം.
പാമ്പിനെ കണ്ടതിനെ തുടര്‍ന്ന് നേര്യമംഗലം ഫോറസ്റ്റ് റേഞ്ച് ഓഫിസില്‍ നിന്ന് ആര്‍ആര്‍ടി സംഘം എത്തി പാമ്പിനെ പിടികൂടി. അഞ്ചടിയോളം നീളമുണ്ടായിരുന്നു. ചാക്കിലാക്കിയ പാമ്പിനെ വനപാലകര്‍ പിന്നീട് ഉള്‍വനത്തില്‍ തുറന്നു വിട്ടു.
