Connect with us

Hi, what are you looking for?

NEWS

ബജറ്റ്; കോതമംഗലത്തിന് വൻ വികസന സാധ്യതകൾ തുറക്കും: ഷിബു തെക്കുംപുറം എംഎൽഎ

കോതമംഗലം: സംസ്ഥാന ബജറ്റ് കോതമംഗലത്തിന് വൻ വികസന സാധ്യതകൾ തുറക്കുമെന്ന് ഷിബു തെക്കുംപുറം എംഎൽഎ.സംസ്ഥാന ബജറ്റിന് നന്ദി രേഖപ്പെടുത്തിയും ബജറ്റിനെ പൂർണമായി പിന്തുണച്ചും നിയമസഭയിൽ നന്ദിപ്രസംഗം നടത്തുകയായിരുന്നു ഷിബു തെക്കുംപുറം എംഎൽഎ.

കേരളത്തിന്റെ വികസന ചരിത്രത്തിലെ ഏറ്റവും ക്രിയാത്മകവും സർഗാത്മകവുമായ ബജറ്റാണ് ഇതെന്നും, ദീർഘവീക്ഷണത്തോടുകൂടിയ ഭാവി കേരളത്തിന്റെ സമഗ്ര ദർശനരേഖയായാണ് ബജറ്റിനെ കാണേണ്ടതെന്നും അദ്ദേഹം പറഞ്ഞു.

ഒരു പുതുയുഗ കേരളം സൃഷ്ടിക്കുന്നതിനുള്ള വ്യക്തമായ കാഴ്ചപ്പാടുകളും പദ്ധതികളും പരിപാടികളും ഉൾക്കൊള്ളുന്ന വികസന റോഡ് മാപ്പാണ് ബജറ്റെന്ന് വിലയിരുത്തി. കഴിഞ്ഞ പത്ത് വർഷക്കാലമായി വികസന മുരടിപ്പിനും ജനദ്രോഹ നയങ്ങൾക്കും സാക്ഷ്യം വഹിച്ച കേരളത്തെ വീണ്ടെടുക്കുന്നതിനാണ് യുഡിഎഫ് സർക്കാർ അധികാരത്തിലെത്തിയതെന്നും, ബജറ്റിലൂടെ നവകേരള നിർമ്മാണത്തിന് ശക്തമായ അടിത്തറ പാകിയിട്ടുണ്ടെന്നും അഭിപ്രായപ്പെട്ടു.

കേരളത്തെ ഒരു തുറമുഖ അധിഷ്ഠിത സാമ്പത്തിക ശക്തിയാക്കി മാറ്റാൻ ലക്ഷ്യമിടുന്ന മിഷൻ സമുദ്ര പദ്ധതി ദീർഘവീക്ഷണത്തോടെയുള്ള ചരിത്രപരമായ ചുവടുവെപ്പാണെന്ന് അദ്ദേഹം പറഞ്ഞു. കേരളത്തെ രാജ്യാന്തര വിദ്യാഭ്യാസ കേന്ദ്രമാക്കി ഉയർത്താനുള്ള നോളജ് വാലി പദ്ധതിയും ശ്രദ്ധേയമാണെന്ന് ചൂണ്ടിക്കാട്ടി. തൊഴിൽ സൃഷ്ടിയും സാമ്പത്തിക സ്വയംപര്യാപ്തതയും ഉറപ്പാക്കുന്നതിനായി ലോകത്തെ തൊഴിൽ അവസരങ്ങളും തൊഴിലാളി ലഭ്യതയും നിരീക്ഷിക്കുന്ന ഗ്ലോബൽ ജോബ് വാച്ച് ടവർ കേരളത്തിന്റെ പ്രത്യേക സാഹചര്യത്തിൽ ഏറെ പ്രസക്തമാണെന്നും പറഞ്ഞു.

എറണാകുളം ജില്ലയ്ക്കും കോതമംഗലത്തിനും പ്രത്യേക പരിഗണന നൽകിയതിന് മുഖ്യമന്ത്രി വി . ഡി . സതീശന് പ്രത്യേകം നന്ദി രേഖപ്പെടുത്തി. ബജറ്റിൽ ചേലാട് അന്താരാഷ്ട്ര സ്റ്റേഡിയം പദ്ധതിയെ പരാമർശിച്ചതും വികസന കാഴ്ചപ്പാടിന്റെ ഭാഗമാണെന്നും പറഞ്ഞു.ഗ്ലോബൽ കൺവെൻഷൻ സെന്ററും ഫിലിം സിറ്റിയും എറണാകുളം ജില്ലയിലെ വികസനത്തിന് വലിയ ആക്കം നൽകുമെന്നും അഭിപ്രായപ്പെട്ടു. മലയാള സിനിമയ്ക്ക് നഷ്ടമായ ഗ്രാമീണ ജീവിതവും പ്രകൃതി ഭംഗിയും ഇന്നും നിലനിൽക്കുന്ന പ്രദേശമാണ് കോതമംഗലമെന്നും, നിരവധി ഹിറ്റ് ചിത്രങ്ങൾ ഇവിടെ ചിത്രീകരിച്ചിട്ടുണ്ടെന്നും ചൂണ്ടിക്കാട്ടി.

എറണാകുളത്തിന്റെയും ഇടുക്കിയുടെയും അതിർത്തിയിൽ സ്ഥിതി ചെയ്യുന്ന കോതമംഗലം ഫിലിം സിറ്റിക്ക് ഏറ്റവും അനുയോജ്യമായ സ്ഥലങ്ങളിലൊന്നാണെന്നും, റാമോജി ഫിലിം സിറ്റിക്ക് സമാനമായ ഒരു പദ്ധതിയുമായി സർക്കാർ മുന്നോട്ടുപോകുമ്പോൾ കോതമംഗലത്തെയും പരിഗണിക്കണമെന്നും അദ്ദേഹം ആവശ്യപ്പെട്ടു.

നെല്ലിക്കുഴി പഞ്ചായത്ത് കേരളത്തിലെ പ്രമുഖ ഫർണിച്ചർ നിർമ്മാണ കേന്ദ്രങ്ങളിലൊന്നാണെന്ന് എം എൽഎ സഭയെ ഓർമ്മിപ്പിച്ചു. ഏതാണ്ട് 300-ഓളം സംരംഭങ്ങളും പതിനായിരത്തിലധികം തൊഴിലാളികളും പ്രവർത്തിക്കുന്ന നെല്ലിക്കുഴിയെ എറണാകുളം ജില്ലയിലെ ഫർണിച്ചർ ഹബ്ബിന്റെ ആസ്ഥാനമായി പരിഗണിക്കണമെന്നും ആവശ്യപ്പെട്ടു.

വിവരസാങ്കേതിക രംഗത്ത് കോതമംഗലത്ത് നിന്നുള്ള നിരവധി യുവാക്കൾ ജോലി ചെയ്യുന്നുണ്ടെന്നും, അതിനാൽ ഇൻഫോപാർക്കിന്റെ ഒരു ഉപകേന്ദ്രം കോതമംഗലത്ത് സ്ഥാപിക്കുന്നതിനുള്ള നടപടികൾ സ്വീകരിക്കണമെന്നും എംഎൽഎ ആവശ്യപ്പെട്ടു.

ടൂറിസം മേഖലയിൽ കോതമംഗലത്തിനുള്ള അനന്തസാധ്യതകൾ പ്രയോജനപ്പെടുത്തേണ്ട സമയമാണിതെന്നും പറഞ്ഞു. വടാട്ടുപാറ, തട്ടേക്കാട്, ഭൂതത്താൻകെട്ട്, മാമലക്കണ്ടം എന്നിവയെ ബന്ധിപ്പിച്ച് സമഗ്രമായ ഒരു ടൂറിസം സർക്യൂട്ട് രൂപീകരിക്കണമെന്നും നിർദേശിച്ചു.
കേരളത്തിന്റെ ഭാവി വളർച്ചയും തൊഴിൽ സൃഷ്ടിയും അടിസ്ഥാന സൗകര്യ വികസനവും ലക്ഷ്യമിടുന്ന ബജറ്റ് സംസ്ഥാനത്തിന്റെ സമഗ്ര പുരോഗതിക്ക് വഴിയൊരുക്കുമെന്നും, കോതമംഗലം ഉൾപ്പെടെയുള്ള മലയോര മേഖലയ്ക്ക് പുതിയ വികസന സാധ്യതകൾ തുറന്നുകൊടുക്കുമെന്നും ഷിബു തെക്കുംപുറം എംഎൽഎ നിയമസഭയിൽ പറഞ്ഞു.

You May Also Like

NEWS

കോതമംഗലം: ഷിബു തെക്കുംപുറം എംഎൽഎയുടെ നേതൃത്വത്തിൽ സംഘടിപ്പിക്കുന്ന ജനസമ്പർക്ക പരിപാടിയുടെ രണ്ടാം ഘട്ടം വ്യാഴാഴ്ച പല്ലാരിമംഗലത്ത് നടത്തും. രാവിലെ ഒൻപതിന് അടിവാട് ടി ആൻ്റ് എം ഹാളിൽ എറണാകുളം ജില്ലാ കളക്ടർ ജി....

NEWS

കോതമംഗലം: ലഹരിക്കെതിരെ വിദ്യാർഥികളെയും യുവജനങ്ങളെയും അണിനിരത്തി കോതമംഗലത്ത് നടത്തുന്ന തൂഫാൻ ക്യാമ്പയിൻ്റെ ഉദ്ഘാടനം 26ന് ഉച്ചയ്ക്ക് 11.30 ന് കോതമംഗലം എം.എ. കോളേജ് ഇൻഡോർ സ്റ്റേഡിയത്തിൽ ആഭ്യന്തര വകുപ്പ് മന്ത്രി രമേശ് ചെന്നിത്തല...

NEWS

    കോതമംഗലം: വൈസ്മെൻസ് ഇന്റർനാഷണലിൽ ഡിസ്ട്രിക്റ്റ് ഗവർണർമാർക്ക് ലഭിക്കുന്ന പരമോന്നത ബഹുമതിയായ എൽമക്രോ ഇന്റർനാഷണൽ അവാർഡിന് 2025–26 പ്രവർത്തന വർഷത്തെ ഡിസ്ട്രിക്റ്റ് – 7 -ന്റെ ഗവർണറായിരുന്ന കോതമംഗലം ചേലാട് സ്വദേശി...

CHUTTUVATTOM

  കോതമംഗലം: കോതമംഗലം മാർ അത്തനേഷ്യസ് കോളേജ് കായിക വിഭാഗം മേധാവിയും ഫുട്ബോൾ പരിശീലകനുമായ ഹാരി ബെന്നി ചെട്ടിയാംകുടിയിൽ ഏഷ്യൻ ഫുട്ബോൾ കോൺഫെഡറേഷന്റെ (എ.എഫ്.സി) ‘എ’ ലൈസൻസ് കരസ്ഥമാക്കി. ഇന്ത്യയിൽ എഎഫ്സി ‘എ’...

NEWS

  കോതമംഗലം: കോതമംഗലം നഗരത്തിലെ ഗതാഗതക്കുരുക്കിന് പരിഹാരമൊരുക്കുന്നതിനും മൂന്നാറിലേക്കുള്ള യാത്ര കൂടുതൽ സുഗമമാക്കുന്നതിനുമായി ആലുമ്മാവ്–കുരൂർ റോഡ് നവീകരിച്ച് മിനി ബൈപ്പാസായി വികസിപ്പിക്കുന്ന പ്രവൃത്തികൾക്ക് തുടക്കമായി. നെല്ലിക്കുഴി ജംഗ്ഷനിൽ നടന്ന ചടങ്ങിൽ ഷിബു തെക്കുംപുറം...

NEWS

  കോതമംഗലം :കഴിഞ്ഞ സർക്കാരിന്റെ കാലയളവിൽ 8 കോടി രൂപ അനുവദിച്ച് നവീകരണം ആരംഭിച്ചിരുന്ന രണ്ട് റോഡുകളിൽ ഒന്നിനെ പുതിയ മിനി ബൈപ്പാസ് എന്നും, പുതിയ പദ്ധതി എന്ന നിലയിലും എംഎൽഎ ഇപ്പോൾ...

CHUTTUVATTOM

  കോതമംഗലം: ഹിന്ദ് ഷിറ്റോ റിയു കരാട്ടെ ദോ ഇന്റര്‍നാഷണല്‍ ഓള്‍ കേരള കരാട്ടെ ചാമ്പ്യന്‍ഷിപ് 2026 സംഘടിപ്പിച്ചു. കോട്ടപ്പടി കൈരളി ഓഡിറ്റോറിയത്തില്‍ നടത്തിയ മത്സരം ഷിബു തെക്കുമ്പുറം എംഎല്‍എ ഉദ്ഘാടനം ചെയ്തു.കരാട്ടെ...

NEWS

കോതമംഗലം: വന്യജീവി അക്രമങ്ങള്‍ നേരിടാന്‍ സര്‍ക്കാര്‍ അടിയന്തരമായി ഇടപെടണമെന്ന് എഐവൈഎഫ് കോതമംഗലം മണ്ഡലം സമ്മേളനം ആവശ്യപ്പെട്ടു.കോതമംഗലത്തെ വിവിധ പഞ്ചായത്തുകളില്‍ വര്‍ഷങ്ങളായി തുടരുന്ന വന്യജീവി ആക്രമണങ്ങളില്‍ നിരവധി മനുഷ്യജീവനുകള്‍ നഷ്ടപ്പെടുകയും വനപ്രദേശങ്ങളോട് ചേര്‍ന്നുകിടക്കുന്ന കൃഷിയിടങ്ങളില്‍...

CHUTTUVATTOM

കോതമംഗലം: ഓര്‍മ്മകള്‍ക്ക് നിറം പകര്‍ന്ന് എംഎ കോളേജ് പൂര്‍വ വിദ്യാര്‍ത്ഥികള്‍ അമേരിക്കയില്‍ ഒത്തുകൂടി. കോതമംഗലം മാര്‍ അത്തനേഷ്യസ് കോളേജില്‍ നിന്ന് വിവിധ കാലഘട്ടങ്ങളില്‍ പഠിച്ചിറങ്ങി, അമേരിക്കയിലെ വിവിധയിടങ്ങളില്‍ താമസിക്കുന്ന പൂര്‍വ വിദ്യാര്‍ത്ഥികളുടെ കുടുംബ...

CHUTTUVATTOM

കോതമംഗലം: കോതമംഗലത്തെ പ്രൊഫഷണല്‍ ഗായകര്‍ രൂപം കൊടുത്ത ‘വോയ്‌സ് ഓഫ് കോതമംഗല’ത്തിന്റെ പ്രഥമ ഗാനമേള നടത്തി. മെന്റര്‍ അക്കാദമി ഹാളില്‍ സുവര്‍ണരേഖ വേദിയൊരുക്കിയ പരിപാടി കവിയും ഗാനരചയിതാവുമായ ബാബു ഇരുമല ഉദ്ഘാടനം ചെയ്തു....

CHUTTUVATTOM

കോതമംഗലം:രാമല്ലൂര്‍-കുമ്പളത്തുമുറി റോഡ് തകർന്ന് കുണ്ടും കുഴിയും നിറഞ്ഞ് ഗതാഗത യോഗ്യമല്ലാതായി. കോതമംഗലം-ചേലാട് റോഡിനേയും മലയിന്‍കീഴ്-നാടുകാണി റോഡിനേയും ബന്ധിപ്പിക്കുന്ന ലിങ്ക് റോഡുകൂടിയാണ് രാമല്ലൂര്‍-കുമ്പളത്തുമുറി റോഡ്. ഈ റോഡിന്‍റെ പല ഭാഗങ്ങളിലും വലിയ കുഴികള്‍ രൂപപ്പെട്ടിരിക്കുകയാണ്....

NEWS

  കോതമംഗലം: കോതമംഗലം നഗരത്തിലെ ഗതാഗതക്കുരുക്ക് ഒഴിവാക്കാൻ നെല്ലിക്കുഴി പഞ്ചായത്ത് പടിയിൽനിന്ന് ആരംഭിച്ച് ഗ്രീൻവാലി, മാർ ബസേലിയോസ് ഡെന്റൽ കോളേജ് വഴി തങ്കളം–മലയിൻകീഴ്–കോഴിപ്പിള്ളി ബൈപ്പാസുമായി ബന്ധിപ്പിക്കുന്ന ആലുമ്മാവ്–കുരൂർ റോഡ് നവീകരിച്ച് മിനി ബൈപ്പാസായി...

error: Content is protected !!