കോതമംഗലം: എക്സൈസ് വകുപ്പിന്റെ ലഹരി വേട്ടയായ ഓപ്പറേഷന് തണ്ടറിന്റെ ഭാഗമായി നടത്തിയ പരിശോധനയില് കോതമംഗലത്ത് കഞ്ചാവുമായി ഒരാള് അറസ്റ്റില്. എക്സൈസ് ഇന്സ്പെക്ടര് പ്രമോദ് എംപിയുടെ നേതൃത്വത്തില് നടത്തിയ പരിശോധനയില് കോതമംഗലം പീസ് വാലിക്ക് സമീപം 314 ഭാഗത്ത് നിന്ന് വെസ്റ്റ് ബംഗാള്, മുര്ഷിദബാദ് സ്വദേശി മുതുള് എസ്.കെ (27) യാണ് 1.305 കിലോഗ്രാം ഉണക്ക കഞ്ചാവുമായി പിടിയിലാത്.
പ്രദേശവാസികളായ അന്യസംസ്ഥാന തൊഴിലാളികള്ക്കിടയില് വില്പ്പന നടത്തുന്നതിനായി കൊണ്ടുവന്ന കഞ്ചാവാണ് പിടികൂടിയത്. പരിശോധനകളില് അസിസ്റ്റന്റ് എക്സൈസ് ഇന്സ്പെക്ടര് സിദ്ധിക്ക് എ.ഇ, പ്രിവന്റീവ് ഓഫീസര്മാരായ വി.എ ഷെമീര്, പി.ബി ലിബു, കെ.എ റസാഖ്, സിവില് എക്സൈസ് ഓഫീസര്മാരായ പി.എം. ഉബൈസ്, വി.ഐ ബിന്സാര് എന്നിവര് ചേര്ന്നാണ് പ്രതിയെ പിടികൂടിയത്. പ്രതിയെ കോടതിയില് ഹാജരാക്കും. ഓപ്പറേഷന് തണ്ടറിന്റെ ഭാഗമായി വിവിധ കേസുകളിലായി നിരവധി പ്രതികളെ അറസ്റ്റു ചെയ്തിട്ടുണ്ടെന്ന് എക്സൈസ് ഇന്സ്പെക്ടര് പ്രമോദ് എംപി പറഞ്ഞു.
