കോട്ടപ്പടി: കോതമംഗലം ഉപജില്ലാതല സ്കൂൾ പ്രവേശനോത്സവം 2026 കോട്ടപ്പടി നോർത്ത് ഗവൺമെന്റ് എൽപി സ്കൂളിൽ സംഘടിപ്പിച്ചു. പുതുതായി സ്കൂളിൽ എത്തിയ കുരുന്നുകളെ ബലൂണും, തൊപ്പിയും നൽകി അധ്യാപകരും രക്ഷകർത്താക്കളും ചേർന്ന് വാദ്യമേളത്തിന്റെ അകമ്പടിയോടെയാണ് സ്വീകരിച്ചത്.കുട്ടികൾക്കായി ഒരുക്കിയ ഇൻഡക്ഷൻ 2026 പ്രവർത്തനം ചടങ്ങിന് മാറ്റുകൂട്ടി. ഷിബു തെക്കുംപുറം പ്രവേശനോത്സവം ഉദ്ഘാടനം ചെയ്തു.
കോട്ടപ്പടി പഞ്ചായത്ത് പ്രസിഡന്റ് ഉമേഷ് ശിവകുമാറിന്റെ അധ്യക്ഷതയിൽ ചേർന്ന് യോഗത്തിൽ ,ബ്ലോക്ക് പഞ്ചായത്ത് പ്രസിഡന്റ് ജെസ്സി സാജു മുഖ്യ പ്രഭാഷണം നടത്തി. ചടങ്ങിനോടനുബന്ധിച്ച് പ്രതിഭകളെ ആദരിക്കലും, ഇന്റർനെറ്റ്‌ സുരക്ഷയെ മുൻനിർത്തി കുട്ടികൾക്കായുള്ള സൈബർ സുരക്ഷ പ്രതിജ്ഞ നടത്തി.സ്കൂൾ എച്എം നിത്യ ആർ നായർ, കോട്ടപ്പടി പഞ്ചായത്ത് വൈസ് പ്രസിഡന്റ് റംല മുഹമ്മദ്, സ്കൂൾ എസ്എംസി ചെയർപേഴ്സൺ ലളിതകുമാരി മോഹനൻ എന്നിവർ പ്രസംഗിച്ചു.
ഉച്ചഭക്ഷണ പദ്ധതിയുടെ ഉദ്ഘാടനവും പായസവിതരണവും നടന്നു. കോതമംഗലം ഉപജില്ലാ വിദ്യാഭ്യാസ ഓഫീസർ സജീവ് കെ.ബി, ബിപിസി ബിനിയത്ത് പി.എച്ച്, കോതമംഗലം ബ്ലോക്ക് പഞ്ചായത്ത് മെമ്പർ സി.എം ബേബി, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പ്രിയ സാബു, വികസനകാര്യ സ്റ്റാൻഡിങ് കമ്മിറ്റി ചെയർമാൻ എൽദോസ് എംകെ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷിജി ചന്ദ്രൻ, വാർഡ് മെമ്പർമാരായ വിലാസിനി സുബ്രഹ്മണ്യൻ, ഫിലിപ്പോസ് വർഗീസ്, മിനി ഏലിയാസ്, ബിൻസി മാത്യു, സിനി ജോസ്, ഷംസു എ എം, മറിയാമ്മ പോൾ, വിദ്യാർത്ഥി പ്രതിനിധി കുമാരി മിത്ര അനീഷ് എന്നിവരും രക്ഷിതാക്കളും നാട്ടുകാരും പങ്കെടുത്തു.
