കോതമംഗലം: നിയമസഭ തെരഞ്ഞെടുപ്പിനുള്ള പോളിംഗ് സാമഗ്രികളുടെ വിതരണം കോതമംഗലം എംഎ കോളേജില് നടന്നു. വിദൂര ബൂത്തുകളിലേക്കുള്ള സാമഗ്രികള് ജീപ്പില് കയറ്റി ബ്ലാവനയിലെത്തിയാണ് ഉദ്യോഗസ്ഥര് മറുകരയിലെത്തിയത്. എറണാകുളം ജില്ലയിലെ അഞ്ച് വിദൂര ബൂത്തുകള് കുട്ടംപുഴ പഞ്ചായത്തിലാണ്. വാരിയം, തേര, കുഞ്ചിപ്പാറ, തലവച്ചപാറ, താളുംകണ്ടം എന്നീ ഉന്നതികളാണ് വിദൂര ബൂത്തുകള്. ഇതില് വാരിയം ഉന്നതിയാണ് ഏറ്റവും ഉള്ഭാഗത്തുള്ള ബൂത്ത്. ഇവിടെ 82 വോട്ടര്മാരാണുള്ളത്.
കുഞ്ചിപ്പാറ 210, തലവച്ചപാറ 387, തേര 54, താളുംകണ്ടം 113 എന്നിങ്ങനെ യാണ് വോട്ടര്മാരുടെ എണ്ണം. ദുര്ഘട കാട്ടുപാതകളും, വന്യമൃഗശല്യവുമുള്ള ഈ ബൂത്തുകളിലേക്ക് എത്തുന്നത് പോളിംഗ് ഉദ്യോഗസ്ഥര്ക്ക് എന്നും ഒരു വെല്ലുവിളിയാണ്. മുമ്പും പല പ്രാവശ്യം തെരഞ്ഞെടുപ്പ് ജോലികള്ക്ക് പോയിട്ടുണ്ടെങ്കിലും ഇതുപോലുള്ള വിദൂര ബൂത്തില് ഡ്യൂട്ടി ചെയ്യുന്നത് ആദ്യമായിട്ടാണെന്ന് പ്രിസൈഡിങ്ങ് ഓഫീസര് അജു ശിവന് പറഞ്ഞു.
