കോതമംഗലം: ഏപ്രിൽ 9 വ്യാഴാഴ്ച നടക്കുന്ന നിയമ സഭ തിരെഞ്ഞെടുപ്പ് പിണറായി സർക്കാരിന്റെ അന്ത്യം കുറിക്കുമെന്ന് പ്രതിപക്ഷ നേതാവ് വി ഡി സതീശൻ.കോതമംഗലത്തെ യുഡിഫ് സ്ഥാനാർഥി ഷിബു തെക്കുംപുറത്തിന്റെ വിജയത്തിനായി യുഡിഫ് കേന്ദ്ര ഓഫീസിൽ സംഘടിപ്പിച്ച ലീഡേഴ്സ് മീറ്റിൽ സംസാരിക്കുകയായിരുന്നു അദ്ദേഹം
കഴിഞ്ഞ 10 വർഷം കേരളത്തിലെ 4 കോടി ജനങ്ങളെ ദുരിതകയത്തിലേക്ക് തള്ളി വിടുന്ന ഭരണമായിരുന്നു. ഇത് തിരിച്ചറിഞ്ഞ പൊതു സമൂഹം ഒറ്റ തീരുമാനത്തിലാണ്. പിണറായി സർക്കാരിന്റെ അന്ത്യവും, ജനപക്ഷ യുഡിഫ് സർക്കാരുമാണ് ജനങ്ങളാകെ ആഗ്രഹിക്കുന്നത്.
കേരളമാകെ അലയടിക്കുന്ന യുഡിഫ് തരംഗത്തിലൂടെ നൂറിലധികം സീറ്റ് പിടിച്ചു 14 ജില്ലകളിലും യുഡിഎഫ് ആധിപത്യം ഉറപ്പിക്കുമെന്നും, ഷിബു തെക്കുംപുറം വൻ ഭൂരിപക്ഷത്തിൽ വിജയിക്കുമെന്നും പ്രതിപക്ഷ നേതാവ് പറഞ്ഞു.
നിയോജകമണ്ഡലം ഇലക്ഷൻ കമ്മിറ്റി ചെയർമാൻ ഷമീർ പനക്കൻ അധ്യക്ഷത വഹിച്ചു. യുഡിഎഫ് നേതാക്കളായ എ ജി ജോർജ്ജ്, കെ പി ബാബു, ഭാനുമതി രാജു, ജെസ്സി സാജു, ബാബു ഏലിയാസ്, ഇബ്രാഹിം കവലയിൽ, പി കെ മൊയ്തു, എം എസ് എൽദോസ്, അബു മൊയ്തീൻ, എ ടി പൗലോസ്, മാത്യു ജോസഫ്, പ്രിൻസ് വർക്കി, എ സി രാജശേഖരൻ, പി സി ജോർജ്ജ്, ബാബു പോൾ, പീറ്റർ മാത്യു എന്നിവർ സന്നിഹിതരായിരുന്നു.
