കോതമംഗലം : നേര്യമംഗലം ജില്ലാ കൃഷി തോട്ടത്തിൽ RKI, RIDF26,RIDF27 എന്നീ പദ്ധതികളിൽ ഉൾപ്പെടുന്ന ടിഷ്യൂ കൾച്ചർ ലാബ്,ഗസ്റ്റ് ഹൗസ്,ട്രെയിനിങ് സെന്റർ, പ്രോസസിംഗ് യൂണിറ്റ്, ഫാമിന്റെ ഫോട്ടോഗ്രാഫിക് സർവ്വേ, സർവ്വേ ലൈൻസ് ക്യാമറകളും, ചെക്ക് ഡാം എന്നിവയുടെ ഉദ്ഘാടനം കാർഷിക വികസന കർഷക ക്ഷേമ വകുപ്പ് മന്ത്രി പി പ്രസാദ് ഓൺലൈനായി നിർവഹിച്ചു. ആന്റണി ജോൺ അധ്യക്ഷത വഹിച്ചു.കൃഷി ഓഫീസർ പ്രിൻസിപ്പൽ ജോ ജോസ് സി പദ്ധതി വിശദീകരണം നടത്തി.
ജില്ലാ പഞ്ചായത്ത് വൈസ് പ്രസിഡന്റ് സിന്റ ജേക്കബ്,കവള ങ്ങാട് ഗ്രാമപഞ്ചായത്ത് പ്രസിഡന്റ് ബിന്ദു ജോർജ്,കെ എൽ ഡി സി ചെയർമാൻ സത്യനേഷന്, ജില്ലാ പഞ്ചായത്ത് വികസന കാര്യ സ്റ്റാൻഡിങ് കമ്മിറ്റി ചെയർമാൻ ഷൈജോ പറമ്പി, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീദേവി മധു, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ റസിയ റഹ്മത്ത്, പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ മുക്താർ പി എ,ജില്ലാ പഞ്ചായത്ത് അംഗങ്ങളായ ജോമി തെക്കേക്കര,സൗമ്യ ശശി, ഷെൽമി ജോൺസൺ,നബാർഡ് ഡി ഡി എം അജീഷ് ബാലു, ബ്ലോക്ക് പഞ്ചായത്ത് അംഗം പ്രിയങ്ക ടോമി,
ഗ്രാമപഞ്ചായത്ത് അംഗം അലിയാർ പി കെ, ജില്ലാ പഞ്ചായത്ത് സെക്രട്ടറി ഇൻ ചാർജ് ഹനീഷ് പി, കെ എൽ ഡി സി ചീഫ് എക്സിക്യൂട്ടീവ് എൻജിനീയർ ശാലിനി, രാഷ്ട്രീയ പാർട്ടി പ്രതിനിധികളായ കെ ഇ ജോയി,ജെയ്മോൻ ജോസ്, സിറിൽ ദാസ്, ഇ എം സഞ്ജീവ്, എം വി യാക്കോബ്, പി എം ശിവൻ, കെ പി വിജയൻ എന്നിവർ പങ്കെടുത്തു. ജില്ലാ പഞ്ചായത്ത് പ്രസിഡന്റ് കെ ജി രാധാകൃഷ്ണൻ സ്വാഗതവും കൃഷി ഡെപ്യൂട്ടി ഡയറക്ടർ ദീപ റ്റി ഒ നന്ദിയും രേഖപ്പെടുത്തി.
