കോതമംഗലം: കോതമംഗലം ബ്ലോക്ക് പഞ്ചായത്ത് 2026-27 വർഷത്തെ വാർഷിക ബഡ്ജറ്റ് അവതരണം നടന്നു. ആകെ അൻപത്തി അഞ്ച് കോടി രൂപ വരവും അൻപത്തി നാലര കോടി ചെലവും വരുന്ന മിച്ച ബഡ്ജറ്റ് ആണ് പ്രസിഡൻ്റ് ജെസി സാജുവിൻ്റെ അധ്യക്ഷതയിൽ നടന്ന സമ്മേളനത്തിൽ വൈസ് പ്രസിഡൻ്റ് വിജോയ് പി ജോസഫ് അവതരിപ്പിച്ചത്.
അഞ്ചു കോടി തൊണ്ണൂറ്റി ഒൻപതു ലക്ഷം രൂപ പ്ലാൻ ഫണ്ട് ജനറലും ഒരു കോടി അറുപത്തിയൊന്ന് ലക്ഷം രൂപ പ്രത്യേക ഘടക പദ്ധതികളിലും നാല്പത്തി എട്ട് ലക്ഷം രൂപ ട്രൈബൽ ഘടക പദ്ധതികളിലും ഒരു കോടി നാല്പത്തി ഒന്ന് ലക്ഷം രൂപ റോഡിതരഫണ്ടായും ലഭിക്കുന്നുണ്ട്.കാർഷിക മേഖലക്ക് ഊന്നൽ നൽകിക്കൊണ്ടാണ് ബഡ്ജറ്റ് തയ്യാറാക്കിയിരിക്കുന്നത് എന്ന് പ്രസിഡൻ്റ് ജെസി സാജു പറഞ്ഞു.
