കോതമംഗലം: ആയക്കാട് അയിരൂർ പാടം വഴി വടക്കുംഭാഗം റോഡിൻ്റെ ആരംഭത്തിൽ 250 മീറ്ററോളം ദൂരമാണ് വെട്ടിപൊളിച്ച് സഞ്ചാരയോഗ്യമല്ലാതാക്കിയിരിക്കുന്നത്. തിരക്കേറിയ റോഡിലൂടെ ഭാരവാഹനങ്ങളും സ്കൂൾ ബസുകളുമുൾപ്പടെ നിരവധി വാഹനങ്ങളാണ് ദിവസേന കടന്നു പോകുന്നത്. പൊടിശല്യം അതി രൂക്ഷമായതിനെ തുടർന്ന് റോഡിന് ഇരുവശങ്ങളിലുള്ള വീടുകളിലുള്ളവരുടെ ജീവിതം ദുസ്സഹമായി. നിരവധി പേർ ശ്വാസ സംബസമായ അസുഖത്തിന് ചികിത്സയിലാണ്.
ഫുഡ് ലോക്കർ, ചപ്പാത്തിഷോപ്പ്, കേക്ക് നിർമാണ യൂണിറ്റ് ഉൾപ്പടെ റോഡിനോട് ചേർന്നുള്ള മൂന്ന് ഭക്ഷണ നിർമാണശാലകളുടെ പ്രവർത്തനം അവതാളത്തിലായിരിക്കുകയാണ്. നീർച്ചാലുള്ള ഭാഗമായതിനാൽ സിമൻ്റ് ബ്ലോക്ക് വിരിക്കാനായിട്ടാണ് പൊളിച്ചിട്ടിരിക്കുന്നതെന്നും, നിലവിൽ ടാറിംഗ് ചെയ്തഭാഗത്തിൻ്റെ ബിൽ സാക് ഷനായതിന് ശേഷം മാത്രമേ കട്ട വിരി ആരംഭിക്കാൻ കഴിയുകയൊള്ളുവെന്നാണ് അധികൃതർ പറയുന്നത്.
