കേരള സർക്കാരിന്റെ വിമുക്തി പ്രോഗ്രാമിന്റെ ഭാഗമായുള്ള കോതമംഗലം നിയോജക മണ്ഡലം തല കമ്മ്യൂണിറ്റി ഔട്ട് റീച്ച് പ്രോഗ്രാം കോതമംഗലം എക്സൈസ് സർക്കിൾ ഓഫീസിന്റെ ആഭിമുഖ്യത്തിൽ കോതമംഗലം താലൂക്ക് ലൈബ്രറി കൗൺസിലിന്റയും MA കോളേജ് എൻ എസ് എസ് യൂണിറ്റിന്റെയും സഹകരണത്തിൽ തങ്കളം റോട്ടറി ഭവൻ ഹാളിൽ വച്ച് സംഘടിപ്പിച്ചു. MA കോളേജിൽ നിന്നും ആരംഭിച്ച ലഹരി വിരുദ്ധ ബോധവൽക്കരണ റാലി ബഹുമാനപ്പെട്ട കോതമംഗലം മുനിസിപ്പൽ ചെയർപേഴ്സൺ ശ്രീമതി ഭാനുമതി രാജു ഫ്ലാഗ് ഓഫ് ചെയ്തു.
തുടർന്ന് നടന്ന പൊതുയോഗം ബഹുമാനപ്പെട്ട എംഎൽഎ ആന്റണി ജോൺ ഉദ്ഘാടനം ചെയ്തു .ചടങ്ങിൽ മുനിസിപ്പൽ ചെയർപേഴ്സൺ ഭാനുമതി രാജു അധ്യക്ഷ വഹിച്ചു കോതമംഗലം എക്സൈസ് സർക്കിൾ ഓഫീസിലെ ഇൻസ്പെക്ടർ സബിൻ ടി സ്വാഗതം പറഞ്ഞ യോഗത്തിൽ പല്ലാരിമംഗലം ഗ്രാമ പഞ്ചായത്തു പ്രസിഡന്റ് പി കെ മൊയ്തു കവളങ്ങാട് ഗ്രാമ പഞ്ചായത്ത് പ്രസിഡന്റ് ബിന്ദു ജോർജ് ഗ്രാമ പഞ്ചായത്ത് അംഗങ്ങളായ ഷിഞ്ചു ബെന്നി ,നൂര്ജി ഷംസുദ്ധീൻ ,ആതിര അഖിൽ ,താലൂക്ക് ലൈബ്രറി കൗൺസിൽ സെക്രട്ടറി മനോജ് നാരായണൻ ,MA കോളേജ് പ്രിൻസിപ്പാൾ Dr മഞ്ജു കുര്യൻ ,എൻ എസ് എസ് എസ് പ്രൊഗ്രാം ഓഫീസർ മാരായ ഫേബ കുര്യൻ ,മാജിത് എം വി ,എൻ എസ് എസ് വോളന്റിയർ കുമാരി റീൻ ഫാത്തിമ എന്നിവർ ആശംസകൾ നേർന്നു.
വിമുക്തി മെന്റർ കെ എസ് ഇബ്രാഹിം ക്ബോധവൽക്കരണ ക്ലാസ്സ് നടത്തി കോതമംഗലം എക്സൈസ് റേഞ്ച് ഇൻസ്പെക്ടർ ഫിലിപ്പ് തൊമസ് നിയമ ബോധന ക്ലാസ്സും നന്ദിയും രേഖപ്പെടുത്തി .അസിസ്റ്റന്റ് എക്സൈസ് ഇൻസ്പെക്ടർമാരായ പി കെ ബാലകൃഷ്ണൻ ,സാജു കെ ടി ,അജി അഗസ്റ്റിൻ ,പോൾ ടി പി ,പ്രിവന്റീവ് ഓഫിസർമാരായ ജിമ്മി വി എൽ ,ഷമീർ വി എ എന്നിവർ പരിപാടിക്ക് നേതൃത്വം നൽകി . കോതമംഗലം എക്സൈസ് സർക്കിൾ ഓഫീസിലെയും കോതമംഗലം ,കുട്ടമ്പുഴ റെയിഞ്ച് ഓഫീസുകളിലെയും ജീവനക്കാരും, വിവിധ സ്കൂളുകളിലെയും കോളേജുകളിലെയും അധ്യാപകരും വിദ്യാർത്ഥികളും മറ്റു ജനപ്രതിനിധികളും സാംസ്ക്കാരിക പ്രവർത്തകരും പങ്കെടുത്തു.
