വാരപ്പെട്ടി സമ്പൂര്‍ണ ഡിജിറ്റല്‍ സാക്ഷരതാ പഞ്ചായത്ത്

കോതമംഗലം: വാരപ്പെട്ടി പഞ്ചായത്ത് സമ്പൂര്‍ണ ഡിജിറ്റല്‍ സാക്ഷരത പ്രഖ്യാപനം നടത്തി. ഡിജി കേരളം 2024 പദ്ധതിയുടെ ഭാഗമായി വാരപ്പെട്ടി പഞ്ചായത്തില്‍ നടന്ന ഡിജിറ്റല്‍ സാക്ഷരത പ്രവര്‍ത്തനങ്ങളാണ് വിജയകരമായി പൂര്‍ത്തീകരിച്ചത്. 13 വാര്‍ഡുകളിലായി കണ്ടെത്തിയ 14-65 പ്രായ പരിധിയില്‍ ഉള്‍പ്പെട്ടതുമായ സ്മാര്‍ട്ട്‌ഫോണ്‍ മുതലായ ആധുനിക ഇലക്ട്രോണിക് സംവിധാനങ്ങള്‍ ഉപയോഗിക്കാന്‍ അറിയാത്തവരായ 1202 പേരെ ഡിജിറ്റല്‍ സംവിധാനങ്ങള്‍ ഉപയോഗിക്കാനുള്ള പ്രാഥമിക പരിജ്ഞാനം പകര്‍ന്ന് നല്‍കിയാണ് ഇത് പൂര്‍ത്തീകരിച്ചത്.