ജമ്മു കാഷ്മീരിലെയും, ഹരിയാനയിലെയും തെരഞ്ഞെടുപ്പുഫലം സൂചിപ്പിക്കുന്നത് പ്രാദേശിക കക്ഷികളുടെ പ്രസക്തി നഷ്ടപ്പെട്ടിട്ടില്ലെന്നു തന്നെയാണെന്ന് കേരള കോൺഗ്രസ് സംസ്ഥാന ജനറൽ സെക്രട്ടറി അഡ്വ. വർഗീസ് മൂലൻ .
കേരള കോൺഗ്രസിൻ്റെ അറുപത്തി ഒന്നാമത് ജന്മദിനം കോതമംഗലത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാജ്യത്തെ അസ്ഥിരപ്പെടുത്താനും, സംസ്ഥാനങ്ങളുടെ സാമ്പത്തികനില തകർക്കാനും കേന്ദ്രം നിരന്തരം ശ്രമിച്ചുവരുകയാണ്. ഈ സ്ഥിതിയ്ക്ക് മാറ്റം വരാൻ ഇടതുപക്ഷം ശക്തി പ്രാപിക്കേണ്ടതുണ്ടെന്നും അദ്ദേഹം ഓർമ്മിപ്പിച്ചു. മുന്നണി രാഷ്ട്രീയത്തിൻ്റെ പ്രസക്തി വർദ്ധിച്ചുവരുന്നതായും അദ്ദേഹം പറഞ്ഞു. ജന്മദിനാഘോഷത്തിൻ്റെ ഭാഗമായി അദ്ദേഹം കേക്ക്മുറിച്ച് മധുരം പങ്കുവച്ചു.
ജില്ലാ പ്രസിഡൻ്റ് ജോർജ് ഇടപ്പരത്തി അദ്ധ്യക്ഷത വഹിച്ചു.
സംസ്ഥാന ഭാരവാഹികളായ ഷാജി പീച്ചക്കകര, ജിജി പുളിക്കൻ, റെജി സി വർക്കി, ജീവൻ ജേക്കബ്ബ്, ഹമീദ് ചേരിമറ്റം എന്നിവർ പ്രസംഗിച്ചു. സ്നേഹവിരുന്നോടെ യോഗനടപടികൾ സമാപിച്ചു.
