പല്ലാരിമംഗലം: ദേശീയ വായനശാലയുടെ നേതൃത്വത്തിലാണ് പഠനോപകരണങ്ങള്‍ വിതരണം ചെയ്തത്. പല്ലാരിമംഗലം സർക്കാർ വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ സാമ്പത്തികമായി പിന്നോക്കം നിൽക്കുന്ന വിദ്യാര്‍ഥികള്‍ക്ക് വേണ്ടിയാണ് പഠനോപകരണങ്ങള്‍ നല്‍കിയത്. ദേശീയ വായനശാല പ്രസിഡന്റ് കെ എ യൂസുഫ് ഹെഡ്മാസ്റ്റര്‍ പി എന്‍ സജിമോന് കൈമാറി.
ചടങ്ങില്‍ വായനശാല സെക്രട്ടറി എം എം ബഷീര്‍, പിടിഎ പ്രസിഡന്റ് പി എ റഷീദ്, അലി കമ്മല, കെജെയു ജില്ലാ പ്രസിഡന്റ് ലത്തീഫ് കുഞ്ചാട്ട്, അധ്യാപകരായ എം കെ ചിത്ര, ബിജു കെ നായര്‍ എന്നിവര്‍ സംസാരിച്ചു. പ്രവാസിയും ബിസിനസ് കാരനുമായ
ചെറുവട്ടൂർ സ്വദേശി റഷീദ് കോട്ടയില്‍ ആണ് പഠനോപകരണം സ്‌പോണ്‍സര്‍ ചെയ്തത്.
