കോതമംഗലം: കേരളാ ഫ്ലോറിംഗ് ടൈൽ യൂണിയൻ
(കെ.എഫ്. ടി.യു) കോതമംഗലം മണ്ഡലം കമ്മിറ്റി വിപുലീകരണവും മെമ്പർഷിപ്പ് കാമ്പയിനും നടത്തി.
ബിജു വട്ടപറമ്പിലിൻ്റെ അധ്യക്ഷതയിൽ കോതമംഗലം മെൻ്റർ അക്കാദമി ഹാളിൽ
ചേർന്ന സമ്മേളനം കെ.എഫ്. ടി.യു സംസ്ഥാന പ്രസിഡൻ്റ് ഹംസ ചങ്ങരംകുളം ഉദ്ഘാടനം ചെയ്തു.സംസ്ഥാന ജനറൽ സെക്രട്ടറി ഷാജി ചെമ്മാട് സംഘടന കാര്യങ്ങൾ വിശദീകരിച്ചു. വേർപാടിൽ ഒരു കൈതാങ്ങ് പദ്ധതിയുടെ ഫണ്ട് ശേഖരണത്തിൻ്റെ ജില്ലാതല ഉദ്ഘാടനം ജില്ലാ സെക്രട്ടറി സുബൈർ ചേലക്കുളം ജില്ല ട്രഷറർ ശിവൻ കെ.കെ ക്ക് കൈമാറി കൊണ്ട് നിർവ്വഹിച്ചു.
മെമ്പർഷിപ്പ് വിതരണ ഉദ്ഘാടനം ജില്ല പ്രസിഡൻ്റ് റഹിമും, അംഗങ്ങൾക്കുള്ള മെമ്പർഷിപ്പ് കാർഡ് വിതരണത്തിൻ്റെ ഉദ്ഘാടനം ജില്ല ട്രഷറർ ശിവൻ കെ.കെയും നിർവ്വഹിച്ചു.തുടർന്ന് കെ.എഫ്. ടി.യു പതാക ജില്ലാ ഭാരവാഹികൾ മണ്ഡലം ഭാരവാഹികൾക്ക് കൈമാറി.സുരേഷ്, വിനോദ് കെ.വി, മുഹമ്മദ് പി.ഇ, സജി ജോർജ്, സുരേഷ് കോതമംഗലം, എൽദോസ് എന്നിവർ സംസാരിച്ചു.
