പെരുമ്പാവൂർ : ഇൻസ്പെയർ പെരുമ്പാവൂർ വിദ്യാഭ്യാസ പദ്ധതിയുടെ ഭാഗമായി എസ്.എസ്.എൽ.സി, പ്ലസ് ടൂ പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയവർക്കും സി.ബി.എസ്.ഇ, ഐ.സി.എസ്.ഇ പരീക്ഷകളിൽ എല്ലാ വിഷയങ്ങൾക്കും 90 ശതമാനത്തിൽ കൂടുതൽ മാർക്ക് വാങ്ങിയ വിദ്യാർഥികൾക്കും എംഎൽഎ അവാർഡ് നൽകി ആദരിക്കും. തുടർച്ചയായ ഒൻപതാം വർഷമാണ് പരിപാടി സംഘടിപ്പിക്കുന്നതെന്ന് എൽദോസ് കുന്നപ്പിള്ളി എംഎൽഎ അറിയിച്ചു.
ഇവർക്ക് പുറമെ നൂറ് ശതമാനം വിജയം നേടിയ സ്കൂളുകൾ, യൂണിവേഴ്സിറ്റി പരീക്ഷകളിലെ റാങ്ക് ജേതാക്കൾ, വിവിധ മത്സരങ്ങളിൽ പങ്കെടുത്ത് അഭിമാനാർഹമായ വിജയം നേടിയവർ, വിവിധ മേഖലകളിൽ വ്യക്തമുദ്ര പതിപ്പിച്ചവർ എന്നിവരെയും എംഎൽഎ അവാർഡ് നൽകി ചടങ്ങിൽ ആദരിക്കും.
പെരുമ്പാവൂർ മണ്ഡലത്തിലെ വിദ്യാലയങ്ങളിൽ നിന്നുള്ള അവാർഡ് ജേതാക്കളുടെ പട്ടിക ഓരോ സ്കൂളുകളും എംഎൽഎ ഓഫീസിൽ ബന്ധപ്പെട്ട സ്കൂൾ അധികൃതർ മുഖേന അറിയിക്കണം. പെരുമ്പാവൂർ നിയോജക മണ്ഡലത്തിൽ സ്ഥിര താമസക്കാരും എന്നാൽ മണ്ഡലത്തിന് പുറത്തുള്ള സ്കൂളുകളിൽ പഠിച്ചു എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികൾക്കും അവാർഡിനായി അപേക്ഷിക്കാവുന്നതാണ്. ഇങ്ങനെയുള്ള കുട്ടികൾ മെയ് മുപ്പതിനുള്ളിൽ പെരുമ്പാവൂർ – ഇരിങ്ങോൾ ജംങ്ഷനിൽ പ്രവർത്തിക്കുന്ന എംഎൽഎ ഓഫീസിൽ മാർക്ക് ലിസ്റ്റ്, ഇമെയിൽ മുഖേനയോ, വാട്സ്ആപ്പ് വഴിയോ അയക്കാവുന്നതാണ്.
കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ : 9496075280 ,9544181917 ഇമെയിൽ ഐഡി : [email protected]
