കോതമംഗലം : കോതമംഗലം എൽദോ മാർ ബസോലിയസ് കോളേജിലെ കൊമേഴ്സ് വകുപ്പ് കൊമേഴ്സ് അസോസിയേഷനുമായി സഹകരിച്ച് സംഘടിപ്പിച്ച വി കെയർ( സോഷ്യൽ ഔട്ട് റീച്ച് പ്രോഗ്രാം ) പദ്ധതിയുടെ ലോഗോയും പദ്ധതിയിലൂടെയുള്ള സൗജന്യ ഇലക്ട്രിക്കൽ വീൽചെയർ വിതരണത്തിന്റെ ഉദ്ഘാടനം ആന്റണി ജോൺ എം എൽ എ നിർവഹിച്ചു.
ചടങ്ങിൽ കോളേജ് ചെയർമാൻ ഷെവലിയാർ ബേബി എം വർഗീസ് അധ്യക്ഷത വഹിച്ചു. മൌത്ത് ആൻഡ് ഫുഡ് പെയിന്റിംഗ് ആർട്ടിസ്റ്റ് സ്വപ്ന അഗസ്റ്റിൻ മുഖ്യാതിഥിയായി.കോളേജ് പ്രിൻസിപ്പൽ പ്രൊഫസർ കെ എം ജോർജ്, മാനേജർ ജെസ്സി ബേബി വർഗീസ്, പ്രൊഫസർ കെ എം കുര്യാക്കോസ്, പ്രൊഫസർ കെ പി പോൾ,സജി ജോസഫ്, ബിജി കുര്യാക്കോസ്, സനിൽ തോമസ് എന്നിവർ പ്രസംഗിച്ചു.
