കോതമംഗലം : റോൾ ഫോഴ്സ് വൺ ക്ലബ്‌ സംഘടിപ്പിക്കുന്ന ഓൾ കേരള റോളർ സ്കേറ്റിംഗ് ടൂർണമെന്റിന്റെ റോഡ് മത്സരങ്ങൾ തങ്കളം നാലുവരി പാതയിൽ വച്ച് നടന്നു. ഫ്ലാഗ് ഓഫ് ആന്റണി ജോൺ എം എൽ എ നിർവ്വഹിച്ചു.സ്കേറ്റിംഗ് അസോസിയേഷൻ ജില്ലാ പ്രസിഡന്റ് മേരി ജോർജ് തോട്ടം യോഗത്തിൽ അധ്യക്ഷത വഹിച്ചു. കോതമംഗലം മുനിസിപ്പൽ ചെയർമാൻ കെ കെ ടോമി,സ്റ്റാന്റിംഗ് കമ്മിറ്റി ചെയർമാൻ കെ എ നൗഷാദ്,സ്കേറ്റിംഗ് അസോസിയേഷൻ അംഗങ്ങളായ സിയാദ് കെ എസ്,ലിമോൻ അശോക് തുടങ്ങിയവർ ചടങ്ങിൽ സംസാരിച്ചു.കേരളത്തിലെ പ്രധാനപെട്ട എല്ലാ സ്കേറ്റിംഗ് ക്ലബ്ബുകളിലെയും 500 ഓളം മത്സരാർത്ഥികൾ മാറ്റുരക്കുന്ന ടൂർണ്ണമെന്റ് മത്സരങ്ങൾ ഇന്ന് (28-01-2023) അവസാനിയ്ക്കും.
