കോതമംഗലം :ഈ കഴിഞ്ഞ ഞായറാഴ്ച കുട്ടമ്പുഴ, ആനക്കയത്ത് പുഴയിൽ കുളിക്കാനിറങ്ങി ഒഴുക്കിൽപ്പെട്ട് കാണാതായ ഒരാളുടെ മൃതദേഹം കണ്ടെത്തി. വിനോദ സഞ്ചാരത്തിനായി കൊച്ചിയിൽ നിന്ന് കുട്ടമ്പുഴക്ക് പോയ സംഘത്തിലെ മട്ടാഞ്ചേരി, നസ്രത്ത് പാണ്ടിക്കുടി കൊച്ചു വീട്ടിൽ കെ.എ പീറ്ററിന്റെ (54) മൃതദേഹമാണ് കണ്ടത്തിയത്. കൊടുങ്ങല്ലൂർ പടന്നയിൽ ബോട്ടുകൾ കെട്ടുന്നിടത്ത് നിന്നാണ് മൃതദേഹം കണ്ടെത്തിയത്. കൊച്ചിയിൽ നിന്ന് ബന്ധുക്കൾ അവി ടെയെത്തി മൃതദേഹം തിരിച്ചറിഞ്ഞു. മൃതദേഹത്തിലെ കൊന്തയും, വിരലിലെ മോതിരവും കണ്ടാണ് തിരിച്ചറിഞ്ഞത്.
മൃതദേഹം മേൽനടപടികൾക്ക് ശേഷം പോസ്റ്റ്മോമോട്ടത്തിനായി തൃശൂർ മെഡിക്കൽ കോളേജിലേക്ക് മാറ്റി. പീറ്ററിനോടൊപ്പം കാണാതായ നസ്റത്ത് സ്റ്റാച്യൂ കുറുപ്പശേരി വീട്ടിൽ വൈശാഖിനെ കണ്ടെത്താനായിട്ടില്ല. കാണാതായ ഞായറാഴ്ച മുതൽ
നാട്ടുകാരും അഗ്നിശമന സേനയും കൊച്ചിയിലെ ഇന്റർ ഡ്രൈവ് മുങ്ങൽ വിദഗ്ദരും തിരച്ചിൽ നടത്തിയെങ്കിലും കണ്ട ത്താനായിരുന്നില്ല.
പരേതനായ ആന്റണിയുടേയും വിരോണിയുടേയും മകനാണ് മരിച്ച പീറ്റർ.ആർക്കിടെക്ടാണ് പീറ്റർ. ഭാര്യ റോണി. മക്കൾ: ക്ളിന്റ്,ദിവ്യ.
