കോതമംഗലം താലൂക്കിൽ ക്ഷേമ പെൻഷൻ വിതരണം ആരംഭിച്ചു.

കോതമംഗലം:- ഓണത്തിന് മുന്നോടി ആയിട്ടുള്ള ക്ഷേമ പെൻഷൻ വിതരണം കോതമംഗലം താലൂക്കിൽ ആരംഭിച്ചു.കുത്തുകുഴിയിൽ ആന്റണി ജോൺ എം എൽ എ വിതരണ ഉദ്ഘാടനം നിർവ്വഹിച്ചു.കുത്തുകുഴിയിൽ വച്ചു നടന്ന ചടങ്ങിൽ കുത്തുകുഴി അയ്യങ്കാവ് സ്വദേശിനി ഭവാനിയമ്മക്ക് പെൻഷൻ തുക വിതരണം ചെയ്താണ് ഉദ്ഘാടനം നിർവ്വഹിച്ചത്.കുത്തുകുഴി സർവ്വീസ് സഹകരണ ബാങ്ക് പ്രസിഡൻ്റ് അഡ്വ: വി എം ബിജുകുമാർ അധ്യക്ഷത വഹിച്ചു.ബാങ്ക് ഡയറക്ടർ ബോർഡ് മെമ്പർ ജോസ് ചാക്കോ പുല്ലൻ,കെ വി ചാക്കോച്ചൻ,എം കെ പ്രസന്നൻ,എൻ വി ബിജു തുടങ്ങിയവർ ചടങ്ങിൽ ചടങ്ങിൽ സന്നിഹിതരായിരുന്നു.