കോതമംഗലം : രാജ്യം സ്വാതന്ത്രത്തിന്റെ എഴുപത്തി അഞ്ചാം വാർഷികം ആഘോഷിക്കുമ്പോൾ,രാജ്യത്തിന്റെ സുരക്ഷാ മേഖലയിലും നിയമപാലന മേഖലയിലും പ്രവർത്തിക്കുന്ന കോതമംഗലം സെൻ്റ് അഗസ്റ്റിൻസ് സ്കൂളിലെ കുട്ടികളുടെ രക്ഷിതാക്കൾ,കോതമംഗലം പോലീസ് സ്റ്റേഷനിൽ സേവനം അനുഷ്ഠിക്കുന്ന സർക്കിൾ ഇൻസ്പെക്ടർ അനീഷ് ജോയി,മറ്റ് പോലീസ് ഉദ്യോഗസ്ഥർ എന്നിവരെ ആദരിച്ചു കൊണ്ട് ഈ വർഷത്തെ സ്വാതന്ത്ര പരിപാടികൾക്ക്‌ തുടക്കം കുറിച്ചു.സ്കൂൾ പി ടി എ പ്രസിഡന്റ് സോണി മാത്യു അധ്യക്ഷത വഹിച്ച അനുമോദന ചടങ്ങ് ആന്റണി ജോൺ എം എൽ എ ഉദ്ഘാടനം ചെയ്തു.
അഡിഷണൽ എസ് പി ജിജിമോൻ കെ എം മുഖ്യപ്രഭാഷണം നടത്തി.ക്ഷണിക്കപ്പെട്ട നിയമപാലകരെ എം എൽ എ ആദരിച്ചു.കോതമംഗലം സർക്കിൾ ഇൻസ്പെക്ടർ അനീഷ് ജോയി,വാർഡ് കൗൺസിലർ അഡ്വക്കേറ്റ് ജോസ് വർഗീസ്,മുവാറ്റുപുഴ സബ് ഇൻസ്പെക്ടർ ശശി എൻ പി,സ്കൂൾ ഹെഡ്മിസ്ട്രസ് സിസ്റ്റർ. റിനി മരിയ,അദ്ധ്യാപക പ്രതിനിധി ലിജി ജോസഫ് എന്നിവർ ചടങ്ങിൽ സംസാരിച്ചു.
