കോതമംഗലം : 31 വർഷത്തെ സേവനത്തിനു ശേഷം വിരമിക്കുന്ന പ്രിൻസിപ്പൽ പി കെ മിനി ടീച്ചർക്ക് യാത്രയയപ്പും,ഗണിത ലാബ്,ലൈബ്രറി എന്നിവയുടെ ഉദ്ഘാടനവും നടത്തി.ഗണിത ലാബിൻ്റെ ഉദ്ഘാടനം ആൻ്റണി ജോൺ എം എൽ എ യും,ലൈബ്രറിയുടെ ഉദ്ഘാടനം Dr. മാത്യു കുഴലനാടൻ എം എൽ എ യും നിർവ്വഹിച്ചു. സ്കൂൾ മാനേജർ പ്രസാദ് പി വർഗീസ് അധ്യക്ഷത വഹിച്ചു. കുര്യാക്കോസ് മോർ യൗസോബിയോസ് മെത്രാപ്പോലീത്ത അനുഗ്രഹ പ്രഭാഷണം നടത്തി. എൻ എസ് എസ് മേഖല ബെസ്റ്റ് പ്രോഗ്രാം ഓഫീസർ അവാർഡ് നേടിയ ഷെറിൽ ജേക്കബിനേയും ധീരതയ്ക്കുള്ള അവാർഡ് നേടിയ പോൾ മാരിയറ്റിനെയും ചടങ്ങിൽ ആദരിച്ചു.
വാർഡ് കൗൺസിലർ ഷെമീർ പനക്കൽ,പി എസ് സക്കീർ തങ്ങൾ,ഷെമീർ പി കെ,ആൻ മരിയ,ശശികല,എൻ എം ജോർജ്,സ്റ്റാഫ് സെക്രട്ടറി എ സുനിൽ തുടങ്ങിയവർ ചടങ്ങിൽ പങ്കെടുത്തു.
