കോതമംഗലം : കോതമംഗലം താലൂക്ക് ആശുപത്രിയിൽ നിർമ്മിക്കുന്ന ഡയാലിസിസ് കം ക്യാഷ്വാലിറ്റി ബ്ലോക്കിൻ്റെ നിർമ്മാണ പ്രവർത്തികൾ പുരോഗമിക്കുന്നു.എം എൽ എ ആസ്തി വികസന ഫണ്ടിൽ നിന്നും 2 കോടി രൂപയാണ് അനുവദിച്ചിട്ടുള്ളത്. താലൂക്ക് ആശുപത്രി കോമ്പൗണ്ടിലെ പഴയ കെട്ടിടം പൊളിച്ചു നീക്കിയ സ്ഥലത്താണ് പുതിയ നിർമ്മാണം ആരംഭിച്ചിട്ടുള്ളത്. പുതിയ കെട്ടിടത്തിൽ മൂന്നു നിലകളിലായി ക്യാഷ്വാലിറ്റി,ഡോക്ടേഴ്സ് റൂം,നഴ്സിങ്ങ് റൂം,മിനി ഓപ്പറേഷൻ തിയറ്റർ,എക്സറേ റൂം,ഡയാലിസിസ് റൂം,സ്റ്റോർ റൂം,വാഷിങ്ങ് റൂം,റിവേഴ്സ് ഓസ്മോസിസ് പ്ലാൻ്റ്,ഹാൾ,പോലീസ് എയ്ഡ് പോസ്റ്റ്,ടോയ്ലറ്റുകൾ എന്നിവ അടങ്ങുന്നതാണ് ഡയാലിസിസ് കം ക്യാഷ്വാലിറ്റി ബ്ലോക്ക്.
ആൻ്റണി ജോൺ എംഎൽഎയുടെ നേതൃത്വത്തിൽ മുൻസിപ്പൽ ചെയർമാൻ കെ കെ ടോമി,സ്റ്റാൻഡിങ്ങ് കമ്മിറ്റി ചെയർമാൻമാരായ കെ വി തോമസ്,കെ എ നൗഷാദ്,ആശുപത്രി സൂപ്രണ്ട് ഡോക്ടർ എൻ യു അഞ്ജലി പി ഡബ്ല്യു ഡി ബിൽഡിങ്ങ്സ് അസിസ്റ്റൻ്റ് എഞ്ചിനീയർ ആൻഡ്രൂ ഫെർണാൻസ് ടോം എന്നിവർ നിർമ്മാണ പ്രവർത്തനങ്ങൾ വിലയിരുത്തി.
