കോതമംഗലം : പിണ്ടിമന സർവ്വീസ് സഹകരണ ബാങ്ക് ഭരണസമിതിയെ ഭരണത്തിൻ്റെ ബലത്തിൽ സസ്പെൻഡ് ചെയ്ത നടപടിക്കെതിരെ യു ഡി എഫ് പ്രതിഷേധം . പിണ്ടിമനഗ്രാമ പഞ്ചായത്ത് ആസ്ഥാനമായ മുത്തംകുഴിയിൽ സംഘടിപ്പിച്ച പ്രതിഷേധ യോഗം യു ഡി എഫ് കോതമംഗലം മണ്ഡലം ചെയർമാൻ പി പി ഉതുപ്പാൻ ഉദ്ഘാടനം ചെയ്തു .കോൺ ഗ്രസ് കോതമംഗലം ബ്ലോക്ക് പ്രസിഡൻറ് എം എസ് എൽദോസ് മുഖ്യ പ്രഭാഷണം നടത്തി . എൽ ഡി എഫ് അഡ്മിനിസ്ട്രേറ്റീവ് കമ്മിറ്റിയുടെ ഭരണ കാലത്ത് നടത്തിയ നാലര കോടി രൂപയുടെ തട്ടിപ്പ് സബന്ധിച്ച് വിജിലൻസ് അന്വേഷണം ആരംഭിച്ചിരിക്കുകയാണന്നും,ഈ കേസ് അട്ടിമറിക്കുന്നതിനുള്ള നീക്കത്തിൻ്റെ ഭാഗമായാണ് നിലവിലുള്ള സസ്പെൻഷൻ നടപടിയെന്നും യു ഡി എഫ് ആരോപിച്ചു .
ഇതു സബന്ധിച്ച് സഹകാരികൾക്കിടയിൽ ക്യാംപെയ്ൻ പ്രചരണം സംഘടിപ്പിച്ച് ജനാധിപത്യ രീതിയിൽ പ്രതിരോധിക്കുമെന്ന് നേതാക്കൾ വ്യക്തമാക്കി . യു ഡി എഫ് പിണ്ടിമന മണ്ഡലം ചെയർമാൻ നോബിൾ ജോസഫ് അധ്യക്ഷത വഹിച്ച യോഗത്തിൽ പി കെ മൊയ്തു ,എം എസ് നജീബ് ,റോയ് കെ പോൾ , ജെസ്സി സാജു ,സണ്ണി വേളൂക്കര, ജോസ് കൈതക്കൽ ,കെ എം ആസാദ് ,ജോർജ് വർഗീസ് , സണ്ണി ജോസഫ് ,മത്തായി കോട്ടക്കുന്നേൽ ,മുതലായവർ പ്രസംഗിച്ചു .
