കോതമംഗലം : പെരിയാർ വാലിയുടെ ഭൂതത്താൻകെട്ട് ഹൈ ലെവൽ കനാലിന്റെ തീരത്ത് യുവാവിന്റെ ജഡം കണ്ടെത്തി. ചേലാട് നിരവത്തു കണ്ടത്തിൽ എൽദോസ് പോളി (42) ന്റെ ജഡമാണ് നാടോടി പാലാത്തിനും, ചെങ്കര ക്ക് മിടയിൽഉള്ള പത്തിരിച്ചാൽ പള്ളിക്കു സമീപം കണ്ടെത്തിയിട്ടുള്ളത്. ഇന്നലെ (തിങ്കൾ ) പുലർച്ചെ നടക്കാനിറങ്ങിയവരാണ് ആദ്യം കാണുന്നത്. സമീപത്ത് മറിഞ്ഞു കിടക്കുന്ന നിലയിൽ സ്കൂട്ടറും കാണാം.
ചേലാട് എരപ്പുങ്കൽ ജങ്ഷനിൽ സ്റ്റുഡിയോ നടത്തിവന്നിരുന്ന എൽദോസ് ഞായറാഴ്ച രാത്രി 10 .30 മണിയോടെ ഫോൺ വന്നതിനെത്തുടർന്ന് 5 മിനിറ്റു കൊണ്ട് വരാമെന്ന് പറഞ്ഞ് വീട്ടിൽ നിന്നും ഇറങ്ങിയതെന്നാണ് ഉറ്റവരുടെ വെളിപ്പെടുത്തൽ . വാഹനാപകടത്തിലാണ് മരണമെന്നാണ് പോലീസിന്റെ പ്രാഥമീക നിഗമനം. കോതമംഗലം പോലീസ് മേൽ നടപടി സ്വീകരിച്ചു വരുന്നു.
