കോതമംഗലം : വിശുദ്ധ വാരത്തിൽ ഹൃദയത്തോട് ചേർത്തു വയ്ക്കാൻ ഗോൾഡൻ ഏഞ്ചൽസ് അതിമനോഹരമായ ക്രിസ്ത്യൻ ഗാനം അണിയിച്ചൊരുക്കിയിരിക്കുകയാണ്. സഹനത്തിന്റെയും, പീഡാനുഭവത്തിന്റെയും, ജീവിത നവീകരണത്തിന്റെയും വിശുദ്ധ വാരാചരണത്തിലേക്ക് ക്രൈസ്തവ സമൂഹം കടക്കുന്ന ഈ വേളയിലാണ് “നിന്റെ കരുണയിൻ കരുതലിൻ” എന്നാ ഈ മനോഹര ഗാനത്തിന്റെ പിറവി.കോതമംഗലം മാലിപ്പാറ സ്വദേശി ജോർജ്മോൻ ആണ് രചനയും സംഗീതവും നിർവഹിച്ചിരിക്കുന്നത്. സുനിൽ, ജിനോ, നോബി, ആഷ് പോൾ, ജിതിൻ ജോൺ, പോൾസൺ, ഷിൻസി, ആഷിൽ, ആഷ്മി, ദിൽഷാ എന്നിവർ ചേർന്നാണ് ഈ മനോഹര ഗാനം ആലപിച്ചിരിക്കുന്നത്.
