കോതമംഗലം: അമിത വേഗതയും, പൊടിശല്യവും കൊണ്ട് പൊറുതിമുട്ടി മാലിപ്പാറ നിവാസികൾ.ടിപ്പർ, ടോറസ് ലോറികളുടെ മരണപാച്ചിലും ഇവ ഉണ്ടാക്കുന്ന പൊടിശല്ല്യവും മൂലം പൊറുതിമുട്ടിയ പ്രദേശവാസികൾ ലോറികൾ റോഡിൽ തടഞിട്ടു പ്രതിക്ഷേധിച്ചു. മാലിപ്പാറ സൊസൈറ്റി പടിയിൽ ആണ് പ്രതിക്ഷേധം.
ദിവസേന ടിപ്പർ, ടോറസ് പോലുള്ള ഭാരവാഹന ങ്ങൾ നിരവധിയാണ് മാലിപ്പാറ പ്രദേശങ്ങളിലൂടെ കരിങ്കല്ല്, പാറമണൽ, മെറ്റൽ, മണ്ണ്, എന്നിവയുമായി ചീറി പായുന്നത്. ഇതു മൂലം റോഡുകൾ പൊട്ടിപൊളിയുന്നതും, ശുദ്ധജല പൈപ്പുകൾ പൊട്ടുന്നതും നിത്യസംഭവമായി മാറിയിരിക്കുകയാണ് .ഇതിനെല്ലാംകുടിയുള്ള പ്രതിക്ഷേധ സൂചകമായിട്ടായിരുന്നു വാഹനങ്ങൾ തടഞ്ഞത്.
