കോതമംഗലം : രാത്രി മീൻ പിടിക്കാൻ വച്ചിരുന്ന ഇരുമ്പ് കൂട്ടിൽ രാവിലെ നോക്കുമ്പോൾ കൂട്ടിൽ കുരുങ്ങിയ വിരുതനെ കണ്ട് അമ്പരന്ന് പൊളി. കിഴക്കേ കുത്തുകുഴിയിൽ കൈതോട്ടിൽ മീൻ പിടിക്കാനായി കളരിക്കൽ വീട്ടിൽ പോളിവച്ചിരുന്ന ഇരുമ്പ് വല കൂട്ടിൽ രാവിലെ നോക്കിയപ്പോൾ കൂറ്റൻ മലമ്പാമ്പ് കുടുങ്ങി കിടക്കുന്നത് കണ്ടത്. ആദ്യം വലിയ മീനാണെന്ന് കരുതി സന്തോഷിച്ച പോളി അടുത്ത് ചെന്ന് നോക്കിയപ്പോൾ ഞെട്ടിപ്പോയി.
പകച്ച് പോയ പോളി ഉടൻ സമീപ പ്രദേശത്തെ നാട്ടുകാരെ വിവരം അറിയിച്ചു. നാട്ടുകാർക്കൊപ്പം സംഭവ സ്ഥലത്ത് അതുവഴിയെ പോകുകയായിരുന്ന എം.എൽ.എ.ആന്റണി ജോണും കാഴ്ചക്കാർക്കൊപ്പം കൗതുക കാഴ്ചയിൽ പങ്ക് ചേർന്നു. ഫോറസ്റ്റ് ഉദ്യോഗസ്ഥർ എത്തി മലമ്പാമ്പിനെ ഏറ്റെടുക്കുകയും ചെയ്തു.
