കോതമംഗലം: കോട്ടപ്പടിയില് ജനവാസ മേഖലയില് ഇന്ന് രാവിലെ കാട്ടാനയിറങ്ങിയത് നാട്ടുകാരെ ഭീതിയിലാഴ്ത്തി. മുട്ടത്തുപാറ, വടക്കുംഭാഗം പ്രദേശങ്ങളിലാണ് രാവിലെ ഏഴോടെ കാട്ടാനയെത്തിയത്. വീടുകളുടെ സമീപത്തുകൂടി കടന്നു പോയ ആന നിരവധി കാര്ഷിക വിളകളും ചവിട്ടിമെതിച്ചു. ഒരു മണിക്കൂറോളം പുരയിടങ്ങളിലൂടെ ഓടി നടന്ന ആന പിന്നീട് വനത്തിലേക്ക് മടങ്ങി. വര്ഷങ്ങളായി നിലച്ചു കിടക്കുന്ന ഫെന്സിംഗ് ജോലികള് പൂര്ത്തിയാക്കി കാട്ടാനശല്യത്തിന് ശാശ്വത പരിഹാരം കാണാന് സര്ക്കാര് നടപടി സ്വീകരിക്കണമെന്ന് പ്രദേശവാസിയായ ജുവല് ജൂഡി പറഞ്ഞു.
